شەشەنستان پرەزيدەنتى رامزان قادىروۆ الەۋمەتتىك وپەراسيا اياسىندا يراكتاعى تال-افارادان 6 قازاقستاندىق پەن 6 رەسەيلىك ازاماتتى ەۆاكۋاسيالاعانىن مالىمدەدى دەپ حابارلايدى Qamshy.kz اقپارات اگەنتتىگى. بۇل تۋرالى شەشەنستان پرەزيدەنتى ءوزىنىڭ Instagram پاراقشاسىنا جازدى.
«يراكتاعى كۇردىستاندا تمد ەلدەرىنىڭ ازاماتتارىن قۇتقارۋ بويىنشا ءىرى وپەراسيا ءوز مارەسىنە جەتتى. ونى ۇيىمداستىرۋ ءۇشىن يراكقا شەشەنستان باسشىسىنىڭ تاياۋ شىعىس پەن سولتۇستىك افريكاداعى وكىلى زياد ءسابسابيدى جىبەردىم. تال-افاردا 6 قازاقستاندىق پەن 6 رەسەيلىك قۇتقارىلىپ، ءقاۋىپسىز جەرگە كوشىرىلدى» دەپ جازدى رامزان قادىروۆ.
ول تاياۋ شىعىستاعى الەۋمەتتىك كومەك تۋرالى اقپاراتتى شەكتەۋ ونى جاسىرۋ ماقساتىندا ەمەس، بالالار مەن وپەراسياعا قاتىسۋشىلاردىڭ قاۋىپسىزدىگى ءۇشىن ەكەنىن دە اتاپ ءوتتى. سەبەبى وپەراسيا الەمدەگى ەڭ ءقاۋىپتى ايماقتا جۇرگىزىلىپ جاتىر.
پىكىر قالدىرۋ