2016 جىلى الەمدە 13،4 مىڭ تەراكت ورىن العان. ناتيجەسىندە 34،7 مىڭ ادام كوز جۇمعان. بۇل تۋرالى Qamshy.kz اقپارات اگەنتتىگى korrespondent.net مالىمەتىنە سۇيەنىپ حابارلايدى. بۇل اقپاراتتى اقش-تىڭ مەريلەند شتاتىنداعى ۋنيۆەرسيتەتتەردىڭ بىرىندەگى تەرروريزم جايىنداعى الەمدىك بازا راستاپ وتىر.

تەرروريزم سالدارىنان تاياۋ شىعىس پەن سولتۇستىك افريكا ەڭ كوپ زارداپ شەككەن دەپ تانىلىپ وتىر. بىلتىرعى جىلى تەرروريزم سالدارىنان 19،1 مىڭ ادام كوز جۇمعان. بۇل كورسەتكىش الەم بويىنشا تەراكت قۇرباندارىنىنڭ 55 پايىزىن قۇرايدى.

باتىس ەۋروپادا تەراكت 238 ادامنىڭ ءومىرىن قيدى. ال پاكىستان وڭتۇستىك ازياداعى ەڭ كوپ زارداپ شەككەن ەل تىزىمىندە. ول جەردە 1100 ادام كوز جۇمعان.

يراك تا بۇل قاتاردى تولتىرىپ وتىر. يراكتا ەڭ كوپ شىعىن كەلتىرگەن 11 شابۋىلدىڭ 10-ى وتكەن. شابۋىلدىڭ بارلىعىن «يسلام مەملەكەتى» ءوز موينىنا العان.

«رەكورد» قويعان شابۋىل دا يراكتا ورىن العان. تەرروريست باعدادتىڭ ورتالىعىندا جۇك كولىگىن جارىپ جىبەرگەن. ناتيجەسىندە 382 ادام كوز جۇمعان.

يسلام مەملەكەتى سودىرلارىنا 1400 شابۋىل جۇكتەلگەن. سودىرلار 11،7 مىڭ ادامنىڭ جانىن قيعان.

بۇدان بولەك باتىس ەۋروپادا تەرروريستىك شابۋىلدىڭ سانى سالىستىرمالى تۇردە از بولعانىمەن ەل ىشىندە اۆتوكولىكپەن شابۋىل جاساۋ جيىلەپ كەتكەن.

ايتا كەتسەك، 17 تامىز كۇنى بارسەلونااعى تەراكت ناتيجەسىندە 14 ادام قازا تاۋىپ، 100-گە جۋىق ادام جارالانعان.