بەلگىلى اقىن، جۋرناليست، پۋبليسيست جاناربەك ءاشىمجان «قازاق ادەبيەتى» گازەتىنىڭ باس رەداكتورى بولىپ تاعايىندالدى دەپ حابارلايدى Qamshy.kz اقپارات اگەنتىگى.

سونىمەن قاتار جاناربەك ءاشىمجان  قازاقستان جازۋشىلار وداعى باسقارما ءتوراعاسىنىڭ ورىنباسارى، «قالامگەر – media» ورتالىعىنىڭ ديرەكتورى قىزمەتىن قوسا اتقارادى.

جاناربەك ءاشىمجان «قازاق جۋرناليستيكاسىنا سىڭىرگەن ەڭبەگى ءۇشىن» ءتوس بەلگىسىمەن ماراپاتتالعان. 2002 جىلعى حالىقارالىق «شابىت» فەستيۆالىنىڭ باس جۇلدەگەرى؛

«تۇران الەم بانكى» ۇيىمداستىرعان رەسپۋبليكالىق جىر بايگەسىنىڭ، «ءبىر ولەڭ — ءبىر الەم» اتتى حالىقارالىق جىر ءمۇشايراسىنىڭ باس جۇلدەگەرى؛

ولەڭدەرى 2004 جىلى «ولكە» باسپاسىنان جارىق كورگەن «جاس اقىندار انتولوگياسىنا» ەنگەن.

قازاقستان جازۋشىلار وداعى جانىنداعى رەسپۋبليكالىق جاس قالامگەرلەر كەڭەسىنىڭ ءتوراعاسى.

تۇركىستان قالاسىندا وتكەن ءومىرباي ساۋىربايەۆقا ارنالعان رەسپۋبليكالىق جىر ءمۇشايراسىنىڭ I ورىن  جۇلدەگەرى.

ءال-فارابي اتىنداعى قازۇۋ رەكتورىنىڭ «جۋرناليستيكاعا سىڭىرگەن ەڭبەگى ءۇشىن» ارنايى مەدالىمەن ماراپاتتالعان.