الماتى قالاسىندا 2015 جىلعى بالانى ىزدەستىرىپ جاتىر دەپ حابارلايدى Qamshy.kz اقپارات اگەنتتىگى الماتى قالاسى ءىىد باسپا ءسوز قىزمەتىنە سىلتەمە جاساپ.

24 تامىز كۇنى الماتى قالاسى ءىىد جەدەل باسقارۋ ورتالىعىنا «شاڭىراق-2» شاعىن اۋدانىنداعى ۇيدەن كىشكەنتاي بالانىڭ شىعىپ كەتىپ، قايتا ورالماعانى تۋرالى حابارلاما ءتۇستى.

-جەدەل ىزدەستىرۋ توبى قۇرىلدى. ەسىمحان ءانيزدىڭ اناسى ونىڭ جوعالعانىن تۇسكى ساعات 11 شاماسىندا اڭعارعان. ونىڭ ايتۋىنشا، ۇيدەگىلەر ۇيىقتاپ جاتقاندا 2015 جىلعى بالا ۇيدەن شىعىپ، بەلگىسىز جاققا كەتىپ قالعان. پوليسيا كومەگىنە جۇگىنبەي تۇرىپ، وزدەرى ىزدەستىرگەن. ءقازىر جەدەل ىزدەستىرۋ جۇمىستارى ءجۇرىپ جاتىر، – دەدى الماتى قالاسى ءىىد رەسمي وكىلى پوليسيا پودپولكوۆنيگى سالتانات ازىربەك.

بالانى تانىعان نەمەسە ول تۋرالى قانداي دا ءبىر اقپارات بىلەتىن ادامداردى مىنا تەلەفوندار ارقىلى حابارلاسۋىن سۇرايمىز: 227-55-00؛ 227-55-01؛ 227-55-02 227-55-39، 8-707-470-17-01، 8-775-225-79-76، 8-778-468-95-08، 8-702-284-11-13، 8-702-561-15-98  نەمەسە 102

بالانىڭ ەرەكشە بەلگىلەرى: بويى 70-80 سم، شاشى قارا، كوزى قارا. اق سۆيتەر مەن كوك اياق كيىمدە بولعان.