بۇگىن ق ر اۋىل شارۋاشىلىعى مينيسترلىگى «قازاگرو» ۇلتتىق حولدينگىمەن بىرلەسىپ، استانادا «AgroInvest Forum 2017» اگروونەركاسىپتىك ينۆەستيسيالىق فورۋمىن وتكىزدى دەپ حابارلايدى Qamshy.kz اقپارات اگەنتتىگى ق ر اشم باسپا ءسوز قىزمەتىنە سىلتەمە جاساپ.

بۇل شاراعا الەمنىڭ 18 ەلىنەن شامامەن 200-دەن استام قاتىسۋشى كەلدى. ونىڭ ىشىندە ءىرى شەتەلدىك ينۆەستيسيالىق قورلار مەن قارجى ۇيىمدارىنىڭ شامامەن 40 وكىلى، سونداي-اق قازاقستاندىق جانە شەتەلدىك اگروبيزنەستىڭ مۇددەلى وكىلدەرىنىڭ كەڭەيتىلگەن توبى قاتىستى.

فورۋمنىڭ نەگىزگى مىندەتى – قازاقستاندىق بيزنەسكە اۋىل شارۋاشىلىعىنداعى جانە ازىق-تۇلىك تاۋارلارىنىڭ وندىرىسىندەگى جوبالاردى بىرلەسىپ ىسكە اسىرۋ ءۇشىن ارىپتەستەر ىزدەستىرۋگە كومەكتەسۋ، سالاعا ينۆەستيسيالىق كاپيتال تارتۋ، اوك بيزنەس جۇرگىزۋ ءۇشىن جاڭا ترەندتەر مەن پەرسپەكتيۆالاردى تالقىلاۋ. ينۆەستيسيالىق فورۋمدا ىسكەرلىك قاتىناستاردى قالىپتاستىرۋدان باسقا، وتاندىق بيزنەستىڭ شەتەلدىك سەرىكتەستەرمەن جانە ينۆەستورلارمەن ءتيىمدى ىنتىماقتاستىعىنا كەدەرگى كەلتىرۋى مۇمكىن ءبىرقاتار پروبلەمالىق ماسەلەلەر دە تالقىلاندى.

ق ر پرەمەر-مينيسترىنىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆ: «مەملەكەت باسشىسى: «اگرارلىق سەكتور ەكونوميكانىڭ جاڭا درايۆەرى بولۋى ءتيىس»، – دەگەن بولاتىن. بۇل ءۇشىن نارىقتاردا قاجەت ەتىلەتىن اوك باسەكەگە قابىلەتتى ونىمدەرىنىڭ ءوندىرىسىن ءارتاراپتاندىرۋ قاجەت»، – دەدى ءوزىنىڭ قۇتتىقتاۋ سوزىندە. ءمينيستردىڭ ايتۋىنشا، ينتەگراسيالىق پروسەستەر جاعدايىندا قازاقستانعا باسەكەلەستىك باسىمدىقتارعا قول جەتكىزۋ ءۇشىن حالىقارالىق وزىق تاجىريبەنىڭ ترانسفەرتى قاجەت. تىكەلەي شەتەلدىك ينۆەستيسيالار تارتۋ جانە اۋىل شارۋاشىلىعى سالاسىندا ءوزارا ءتيىمدى نەگىزدە بىرلەسكەن ءوندىرىس قۇرۋ – بۇل قازىرگى تاڭداعى ءبىزدىڭ بەت الىسىمىز.

وزدەرىڭىزگە ءمالىم، قازاقستان مەملەكەتتىك رەتتەۋ مەن ينۆەستورلاردى قولداۋ باعىتىندا كوپتەگەن جەتىستىكتەرگە قول جەتكىزدى. ەلىمىز تارتىلعان ينۆەستيسيالارعا قولايلى جاعداي جاساۋ بويىنشا تمد ەلدەرى اراسىندا كوشباسشىلاردىڭ ءبىرى بولىپ سانالادى.

ا.ي.مىرزاحمەتوۆ قازاقستانعا ينۆەستيسيا قۇيا وتىرىپ جۇڭگو، رەسەي جانە ەىەۇ ەلدەرى نارىعىنا شىعۋعا مۇمكىندىك تۋاتىن تىلگە تيەك ەتتى.

«قازاگرو» ۇلتتىق باسقارۋشى حولدينگىنىڭ باسقارما ءتوراعاسى نۇرلىبەك مالەلوۆ اگروونەركاسىپتىك كەشەنىنە سوڭعى جىلدارى حولدينگپەن 375 ملرد. تەڭگەدەن استام شەتەلدىك ينۆەستيسيا تارتىلعانىن اتاپ ءوتتى.

الايدا ءسۇت، ەت، مال، مايلى جانە باسقا دا سۇرانىسقا يە داقىلداردى قايتا وڭدەۋ ءونىمنىڭ كولەمىن ودان ارى ارتتىرا تۇسەدى.

سونىمەن قاتار، بۇگىنگى تاڭدا مينيسترلىك ەكسپورت ساياساتىن ماقساتتى تۇردە جۇزەگە اسىرۋ جۇمىستارىن جۇرگىزۋدە. وسىعان وراي، جاڭا ەكسپورتتىق ارنالاردى قۇراتىن، ال جۇمىس ىستەپ تۇرعانداردى كەڭەيتەتىن، ءىرى ەكسپورتتىق پارتيالاردى اوك ەكسپورت ورتالىعى قۇرىلدى.

قازىرگى تاڭدا قحر كومپانيالارىمەن استىقتى، مايلى داقىلداردى، وسىمدىك مايىن ەكسپورتتاۋ ءۇشىن كەلىسىم شارتقا قول قويىلسا، اراب امىرلىگى مەن يرانعا جاسىمىق تاسۋ ءۇشىن كومپانيالارمەن كەلىسىمگە قول قويۋ قايتا وڭدەلۋدە، ال رەسەي، يزرايل، گونكونگ ەلدەرىنىڭ كومپانيالارىمەن كۇنباعىس تۇقىمىن، قاتتى بيداي، ۇن، نوقات، بۇرشاق، قوي ەتىن تاسىمالداۋ ءۇشىن كەلىسسوزدەر جۇرگىزىلۋدە. جۇڭگو نارىعىنا سيىر، شوشقا ەتتەرىن، ءسۇت، قۇس ونىمدەرىن، ءتىرى جانۋارلار، سونىڭ ىشىندە جىلقىلاردى شىعارۋ جوسپارلانۋدا.

ق ر اۋىل شارۋاشىلىعى مينيسترلىگى سىرتقى ىستەر مينيسترلىگىمەن بىرلەسە وتىرىپ، يزرايل، كۋۆەيت مەملەكەتتەرىنىڭ ۆەتەرينارلىق قىزمەتىمەن قوي ەتىن جەتكىزۋ جولدارىن جانە دە مالايزيا، جاپونيا، وڭتۇستىك كورەيا، ەۆرو وداق مەملەكەتتەرىنە قۇرعاق بيە ءسۇتىن ەكسپورتتاۋ ماسەلەسى بويىنشا كەلىسسوزدەر جۇرگىزىلۋدە.
ال پارسى شىعاناعى ەلدەرى بويىنشا كەلىسسوزدەر اياقتالۋعا جاقىن.

وسى اگروونەركاسىپتىك ينۆەستيسيالىق فورۋمى اياسىندا قازاقستاننىڭ اۋىل شارۋاشىلىعى سالاسىن ەكونوميكالىق ءارتاراپتاندىرۋ تۇرعىسىندا ءبىرقاتار ماڭىزدى كەلىسىمدەر مەن مەموراندۋمدارعا قول قويىلدى.