اقش-قا جەتكەن «حارۆي» داۋىلى تەحاس شتاتىنىڭ حيۋستون قالاسىنداعى سۋ تاسقىنىنا الىپ كەلدى. كەي كوشەلەردەگى باعدارشامعا دەيىن سۋ كوتەرىلگەن. حالىق بەلىمەن سۋ كەشىپ ءجۇر. "حارۆي" داۋىلى سالدارىنان 5 ادام كوز جۇمعان. 40 شاقتى ادام ءىس-تۇسسىز جوعالىپ كەتكەن. ال سينوپتيكتەردىڭ جاساعان بولجامدارى دا كوڭىل كونشىتپەيدى دەپ جازادى Qamshy.kz اقپارات اگەنتتىگى ramler.ru مالىمەتىنە سۇيەنىپ.

تاسقىن سۋدان زارداپ شەككەندەردىڭ ءبىرى: "مەن ءبىرىنشى قاباتتا تۇرامىن. بارلىق مۇلكىم ءبۇلىندى. قولىمدا بالالارىم بار. ىشەرگە اس، كيەرگە كيىمسىز قالدىق"، – دەپ وتىر.

سۋ باسقان اۋدانداردان ادامداردى قايىقپەن تاسىمالداپ جاتىر. الايدا پوليسيا قىزمەتكەرلەرى بارلىق ادامعا كومەكتەسە المايتىندارىن جەتكىزگەن. اتالمىش قالادا 2 ميلليونعا جۋىق ادام تۇرادى. ولاردىڭ بارلىعى ەشقايدا شىعا الماي وتىر. ادامدارعا شاتىرلاردا قورعانۋدى ۇسىنىلىپ وتىر. ەگەر ومىرلەرىنە ءقاۋىپ ءتونىپ تۇرماسا، كوشەگە شىقپاۋعا كەڭەس بەرەدى.

بۇل حابارلاندىرۋدى ايماقتاعى بارلىق تەلەارنالار ۇزبەي كورسەتىپ جاتىر. الايدا حيۋستون قالاسىنىڭ بارلىق  جەرىندە ەلەكتر قۋاتى سوندىرىلگەن. ەكى حالىقارالىق اۋەجاي جابىلىپ، بارلىق جەردى سۋ باسقان.

ايتا كەتسەك، ءبىراز ۋاقىت بۇرىن «حارۆي» داۋىلىنان 2 ادامنىڭ كوز جۇمعانى حابارلانعان بولاتىن.