عالامتور جەلىسىندە تەمىرتاۋدا ورىن العان سۇمدىق توناۋ وقيعاسىنىڭ ۆيدەوسى تارادى دەپ حابارلايدى Qamshy.kz اقپارات اگەنتتىگى.

قولىنا پىشاق ۇستاعان ەر ادام ميكرونەسيەلىك ۇيىمدى توناپ كەتكەن. ءتىپتى ءوزىنىڭ بەت-جۇزىن دە جاسىرماعان.

ۆيدەودان بايقاعانامىزداي، ۇرى كاسساعا كىرەتىن ەسىكتى اشپاقشى بولادى. ەسىكتىڭ جابىق ەكەنىن بىلگەن سوڭ اينەكتى بۇزىپ، بولمەنىڭ ىشىنە كىردى دە، كاسساداعى اقشانى الىپ كەتتى.

قىزدى پىشاقپەن قورقىتقان ۇرى جوعالتاتىن ەشنارسەسى قالماعانىن ايتىپ، ارتىنان ەرمەۋىن ەسكەرتتى.

«توناۋ وقيعاسىنان كەيىن پوليسەي قىزمەتكەرىنە 22 جاستاعى مەنەدجەر كەلدى. مەنەدجەردىڭ ايتۋىنشا، ۇرى كاسسادان 174 مىڭ تەڭگە الىپ كەتكەن»، – دەلىنگەن وبلىستىق باسپا ءسوز قىزمەتىندە.

پوليسەي قىزمەتكەرلەرى بىردەن ىزدەۋ جۇمىستارىنا كىرىسىپ كەتتى. كۇدىكتىنى ۇستاۋ وڭاي بولدى، ول قالانىڭ 30 جاستاعى تۇرعىنى بولىپ شىقتى.