ءدىن ىستەرى جانە ازاماتتىق قوعام مينيسترلىگىنىڭ وكىلدەرى ساقال مەن بالاقتىڭ ۇزىندىعى ءدىن تۋرالى زاڭدا ايتىلمايتىنىن مالىمدەدى. بۇل تۋرالى ءدىن ىستەرى كوميتەتى ءتوراعاسىنىڭ مىندەتىن اتقارۋشى ەركىن وڭعاربايەۆ ايتتى دەپ حابارلايدى Qamshy.kz اقپارات اگەنتتىگى.

ايتا كەتەتىن بولساق، وتكەن جىلى قازاقستاندا بولعان بىرەنەشە تەررورلىق اكتىلەرگە اسىرە ءدىنشىل راديكالدار توپتاردىڭ قاتىسى انىقتالعان. سودان سوڭ قوعامدا «ۇزىن ساقال مەن قىسقا بالاق» ماسەلەسى قاتتى تالقىلانىپ كەتكەن ەدى. ءتىپتى، ەلباسى نازارباۆ بۇلاي ءجۇرۋدىڭ ساۋاتسىزدىق ەكەنىن ايتقان بولاتىن.

ءساۋىر ايىندا قمبد وكىلدەرىمەن كەزدەسۋ بارىسىندا «ءدىني ساۋاتسىزدىعىنىڭ ناتيجەسىندە جاستارىمىز ساقال قويىپ، شالبارىنىڭ بالاقتارىن قىسقارتىپ تاستايدى. قارا كويلەك كيىپ، بەتى-اۋزىن تۇمشالاعان قىزدارىمىزدىڭ قاتارى كوبەيدى. بۇل ءبىزدىڭ داستۇرىمىزگە دە، حالقىمىزعا دا جات. بۇعان زاڭنامالىق دەڭگەيدە تىيىم سالۋ ماسەلەسىن پىسىقتاۋ كەرەك. قازاق قارا كيىمدى قارالى كەزدە عانا كيەدى»، - دەگەن ەدى مەملەكەت باسشىسى.

بۇگىنگى زاڭدا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى جايلى ايتىلىپ وتىر. 

«قازىرگى ۋاقىتتا بۇل ماسەلە قاراستىلىرىلىپ وتىرعان جوق: قىسقا بالاق شالبار مەن ساقال (...) تاجىكستاندا مۇنداي نورمالار قابىلدانعان، سينسزيان-ۇيعىر اۆتونوميالىق وكرۋگىندە دە بار، وسى ماسەلەنى رەتتەيتىن ەرەجەلەر مەن نورماتيۆتىك اكتىلەر بەكىتىلگەن. بۇگىندە ءبىز مۇنداي نورمانى قابىلدامايمىز. سەبەبى قانداي جاعداي بولسا دا بۇل زاڭدى ىسكە اسىرۋ ءۇشىن زاڭ اياسىنداعى نورماتيۆتىك اكتىلەر قاجەت. قۇزىرلى مەملەكەتتىك ورگاندار الداعى ۋاقىتتا مۇنداي زاڭدى ىسكە اسىرۋ ءۇشىن قانداي دا ءبىر قادامداردى قاراستىرۋى قاجەت»، – دەدى وڭعاربايەۆ.

ال وسىنىڭ الدىندا قازاقستان پرەزيدەنتى نۇرسۇلتان نازاربايەۆ قازاقستان مۇسىلماندارى ءدىني باسقارماسى وكىلدەرىمەن كەزدەسۋ كەزىندە قىسقا بالاق پەن ۇزىن ساقالدىڭ ءبىزدىڭ داستۇرگە ساي كەلمەيتىنىن ايتتى. ەلباسى مۇندايعا زاڭ جۇزىندە تىيىم سالۋدى ۇسىنعان بولاتىن. 

«ءدىني ساۋاتسىزدىعىنىڭ ناتيجەسىندە جاستارىمىز ساقال قويىپ، شالبارىنىڭ بالاقتارىن قىسقارتىپ تاستايدى. قارا كويلەك كيىپ، بەتى-اۋزىن تۇمشالاعان قىزدارىمىزدىڭ قاتارى كوبەيدى. بۇل ءبىزدىڭ داستۇرىمىزگە دە، حالقىمىزعا دا جات. بۇعان زاڭنامالىق دەڭگەيدە تىيىم سالۋ ماسەلەسىن پىسىقتاۋ كەرەك. قازاق قارا كيىمدى قارالى كەزدە عانا كيەدى»، – دەگەن ەدى مەملەكەت باسشىسى.

ەسكە سالايىق، زاڭ جوباسىنىڭ اياسىندا ادامنىڭ تۇر-كەسكىنىن تانۋعا كەدەرگى بولاتىن كيىم كيۋگە تىيىم سالۋ ۇسىنىلعان.