28 تامىزدا ۇكىمەت ۇيىندە ق ر پرەمەر-مينيسترى باقتىجان ساعىنتايەۆ اقش ەنەرگەتيكا ءمينيسترىنىڭ ءبىرىنشى ورىنباسارى دەن برۋيللەتپەن ەنەرگەتيكا سالاسىندا ەكىجاقتى ىنتىماقتاستىقتى نىعايتۋ ماسەلەلەرى بويىنشا كەزدەسۋ وتكىزدى، دەپ حابارلايدى Qamshy.kz اقپارات اگەنتتىگى پرەمەر-مينيستردىڭ رەسمي سايتىنا سالتەمە جاساپ.
كەزدەسۋ بارىسىندا قازاقستاندا امەريكاندىق ءىرى ترانسۇلتتىق كومپانيالارمەن بىرلەسكەن يندۋستريالدى جوبالاردى ىسكە اسىرۋ بارىسى تالقىلاندى.
سونداي-اق، تاراپتار ەنەرگەتيكالىق سەرىكتەستىك بويىنشا قازاقستاندىق-امەريكاندىق بىرلەسكەن كوميسسيا جۇمىسىن نىعايتۋ ارقىلى جاڭا تەحنولوگيالار مەن زەرتتەۋلەر سالاسىندا ىنتىماقتاستىقتى كەڭەيتۋ كەلەشەگىن قارادى.
