اقش پرەزيدەنتى دونالد ترامپ اقش پەن رەسەي اراسىنداعى قارىم-قاتىناس ءبىر قالىپقا كەلەدى دەپ سەنەدى، دەپ حابارلايدى Qamshy.kz اقپارات اگەنتتىگى ريا نوۆوۆستي سايتىنا سىلتەمە جاساي وتىرىپ.

«رەسەيمەن قارىم-قاتىناسىمىز جاقسارادى دەپ ۇمىتتەنەمىن. مەن مۇنى جىلدار بويى ايتىپ كەلەمىن. ەگەر رەسەي مەن اقش اراسىنداعى قارىم-قاتىناس جاقسى بولسا، وتە كەرەمەت بولار ەدى. بولاشاقتا ەكى ەل اراسى جاقسارادى دەگەن ۇمىتتەمىن، سەبەبى بۇل وتە ماڭىزدى»، – دەدى ترامپ فينليانديا پرەزيدەنتى ساۋلي نيينيستەمەن بولعان پرەسس-كونفەرەنسيادا.

«رەسەي – وتە ۇلكەن مەملەكەت. بۇل مەملەكەتپەن ءبىز جاقسى قارىم-قاتىناس ورناتۋىمىز كەرەك، تۇبىندە بۇعان دا جەتەمىز دەپ ويلايمىن. بۇكىل الەم ءۇشىن بۇل قۇبىلىستىڭ ءمانى زور ءارى الەمدە سوعىستى توقتاتۋ ءۇشىن وسىلاي بولعانى دۇرىس»، – دەپ قوسا ايتىپ ءوتتى.

ايتا كەتەر بولساق، رەسەي مەن اقش اراسىنداعى قارىم-قاتىناس سوڭعى جىلدارى تىم ناشارلاپ كەتتى. وعان 2016 جىلدىڭ جەلتوقسان ايىندا اكىمشىلىكتىڭ باراك وبامانىڭ رەسەيگە قارسى سانكسيالار پاكەتىن قابىلداعانى جانە دە اقش-تاعى سايلاۋعا رەسەي حاكەرلەرىنىڭ ارالاسۋى سەبەپ بولدى. سونىمەن قاتار، اقش ەكى تۇرعىن ءۇي كەشەنىنە كىرۋگە تىيىم سالدى – نيۋ-يوركتەگى قالا سىرتىندا ورنالاسقان رەسەيدىڭ كوتتەدجدەرى مەن ۆاشينگتونداعى رەسەي ەلشىلىگى. ۆاشينگتونداعى رەسەي ەلشىلىگى – ديپلوماتيالىق جەكەمەنشىك بولىپ تابىلادى.

بۇعان جاۋاپ رەتىندە ماسكەۋدە اقش ديپميسسيا قۇرامىن رەسەيدە 755 ادامعا دەيىن قىسقارتۋ جايىندا بيلىك ۇكىم شىعاردى. وسىلاي اقش ەلشىلىگىندە جۇمىس ىستەيتىن ادامداردىڭ سانىن اقش ديپميسسياسىندا قىزمەت ەتەتىندەردىڭ سانىمەن تەڭەستىردى.

وسىدان كەيىن اقش بۇكىل رەسەيدەگى بارلىق نيمميگرانتتارعا 1 قىركۇيەككە دەيىن ۆيزا بەرۋ توقتاتىلعاندىعىن حابارلادى.