كونستيتۋسيانىڭ 22 جىلدىعىنا وراي استانادا ۇلتتىق ۇلاننىڭ ورتالىق مۇراجايى اشىلدى دەپ حابارلايدى Qamshy.kz اقپارات اگەنتتىگى 24.kz-كە سىلتەمە بەرىپ.
ماقسات – «رۋحاني جاڭعىرۋ» جوباسىن جۇزەگە اسىرۋدى، سونداي-اق قۇقىقتىق ءتارتىپ اسكەرىنىڭ تاريحى مەن جاۋىنگەرلىك ءداستۇرىن ناسيحاتتاۋ. حالىق ءوز باتىرلارىن تانۋعا ءتيىس. ولاردىڭ ەسىمى اسكەري بولىمدەردەگى جاۋىنگەرلىك داڭق بولمەلەرى مەن ورتالىق مۇراجايدا ماڭگى ساقتالاتىن بولادى.
مۇراجاي استانالىق بريگادا عيماراتىندا ورنالاسقان. ەكسپوناتتارعا جاۋىنگەرلىك تۋلار، وردەن جانە مەدالدار، قارۋ-جاراق كوللەكسيالارى، جاۋىنگەرلەردىڭ اسكەري كيىم ۇلگىلەرى كىرەدى. سونىمەن قاتار وندا ۇلتتىق ۇلاننىڭ قۇرىلىمدىق بولىمشەلەرىنىڭ تاريحىنان حابار بەرەتىن قۇجاتتار قويىلعان.
