بۇگىن، 30 تامىز – كونستيتۋسيا كۇنى. وسىدان 22 جىل بۇرىن قازاقستان حالقى تاريحي شەشىم قابىلداپ، جاسامپاز جاڭا داۋىرگە قادام باسقان ەدى. 1995 جىلدىڭ 30 تامىزىندا بۇكىلحالىقتىق رەفەرەندۋم ارقىلى تاۋەلسىز قازاقستاننىڭ اتا زاڭى قابىلدانعان بولاتىن. سودان بەرى تاۋەلسىزدىگىمىزدىڭ تىرەگىنە اينالعان كونستيتۋسيا مەملەكەتتەگى بارلىق ساياسي-ەكونوميكالىق، الەۋمەتتىك رەفورمالاردىڭ ىلگەرى باسۋىنا، دامۋدىڭ قاينار باستاۋىنا اينالدى. بۇل – تاۋەلسىز قازاقستاننىڭ ەكىنشى كونستيتۋسياسى. العاشقىسى 1993 جىلى قابىلداندى. اتا زاڭ مەملەكەتتىك قۇرىلىستىڭ قۇقىقتىق نەگىزىن قالىپتاستىرۋشى قۇجات بولىپ تابىلادى. ازاماتتاردىڭ كونستيتۋسيالىق قۇقىقتارى مەن بوستاندىقتارىن بۇزۋعا جول بەرىلمەيدى.
كونستيتۋسيا مەملەكەتتىك قۇرىلىستىڭ قۇقىقتىق نەگىزىن قالىپتاستىرۋشى قۇجات بولىپ تابىلادى. ول مەملەكەتتىلىك تەتىك، قوعامدىق، ساياسي ينستيتۋتتار رەتىندە قىزمەتتىڭ نەگىزى بولارلىق پرينسيپتەرىن ورنىقتىردى، ادام مەن ازاماتتىڭ كونستيتۋسيالىق مارتەبەسىن بەلگىلەدى، ەكونوميكالىق قۇرىلىستىڭ نەگىزدەرىن ايقىندادى.