ليۆيانىڭ جاعاجاي كۇزەتى جەرورتا تەڭىزىندە 450-دەن استام بوسقىندى ولىمنەن قۇتقارىپ قالدى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساپ.
بوسقىندار قاتارىندا ەگيپەت، ماروككو جانە تۋنيس ەلدەرىنىڭ ازاماتتارى بولعان. رەسمي تريپولي يتاليا ۇكىمەتىنەن 2011 جىلى مۋامار كادافيدى بيلىكتەن تايدىرتقاننان كەيىن ادامداردى زاڭسىز تاسىمالداۋمەن بىرلەسە كۇرەسۋدى سۇراعان بولاتىن.
حالىقارالىق كوشى-قون ۇيىمىنىڭ دەرەگى بويىنشا، ەۋروپا قۇرلىعىنا تەڭىز ارقىلى قونىس اۋدارۋعا ءماجبۇر بولعان بوسقىنداردىڭ سانى بۇگىندە 111 مىڭنان اسقان. ولاردىڭ 85 پايىزى يتالياعا قونىس تەپكەن. ال جەرورتا تەڭىزىن كەسىپ وتپەكشى بولعان 2 مىڭ 360 ادام ەۋروپاعا جەتپەي قازا بولعان.
