چينگ-كۋو ۆۋ قازاقستان الەمدىك بوكستا الدىڭعى قاتاردا ەكەنىن اتاپ ءوتتى. 

حالىقارالىق اۋەسقوي بوكس قاۋىمداستىعىنىڭ (AIBA) پرەزيدەنتى چينگ-كۋو ۆۋ قازاقستاندىق بوكس فەدەراسياسىنىڭ باسپا ءسوز قىزمەتىنە بەرگەن سۇحباتىندا قازاقستاندىق بوكسشىلاردىڭ گامبۋرگتەگى الەم چەمپيوناتىندا كورسەتكەن ونەرىنە باعاسىن بەردى، – دەپ حابارلايدى Qamshy.kz اقپارات اگەنتتىگى  Vesti.kz-كە سىلتەمە بەرىپ. قازاقستان جارىسقا بارلىق سالماقتاعى بوكسشىلارىن اتتاندىرعان ازداعان ەلدەردىڭ قاتارىندا ەكەنىن ايتا كەتەيىك.

"ەكى اي بۇرىن عانا بۇكىلالەمدىك بوكس سەرياسى WSB فينالىندا بولدىم. بۇل جارىس قازاقستاننىڭ تۋرنيرلەردى ەڭ جوعارى دەڭگەيدە وتكىزە الاتىنىنا تاعى ءبىر دالەل بولدى. ءسىزدىڭ بوكسشىلارىڭىز جاۋىنگەر جانە وتە شەبەر. قازاقستاندىقتار تۋرنير مەدالدارىنا ابدەن قول جەتكىزە الادى. كوماندالارىڭىز مىقتى جانە ون سالماق بويىنشا دا بوكسشىلاردى اتتاندىرىپسىزدار"، – دەيدى ۆۋ.

سونىمەن قاتار، چينگ-كۋو ۆۋ حالىقارالىق وليمپيادا كوميتەتىنىڭ ايەلدەر جۇدىرىقتاساتىن سالماق دارەجەلەرىنىڭ سانىن ارتتىرۋ تۋرالى ۇسىنىس جاساۋى، ەرلەردىڭ سالماق دارەجەلەرىنىڭ سانىنا ەش اسەر ەتپەيتىنىن ايتتى. AIBA باسشىسى قازاقستانداعى بوكستىڭ دامۋىنا قاتىستى دا ءوز ويىن ايتا كەتتى.

"قازاقستان الەمدىك بوكستا ۇنەمى الدىڭعى قاتاردا. تيمۋر قۇلىبايەۆ – قازاقستاندىق سپورتقا جاقسى باسشى. ونىڭ وسى ورىنعا كەلۋىمەن بوكستىڭ دامۋى ارتا ءتۇستى. ەگەر وسى قالىپتان تايماساڭىزدار ۇلكەن جارىستاردا جۇلدەلى ورىنداردان قۇر قالمايسىزدار دەگەن ويدامىن"، – دەپ اياقتادى ول.