نيۋ-يوركتەگى رەسەيدىڭ باس ەلشىسى سەرگەي وۆسياننيكوۆتىڭ ايتۋىنشا، جاقىن ارادا رەسەي-امەريكا قارىم-قاتىناسىندا وڭتايلى وزگەرىستەر بولا قويمايدى. الايدا، قانداي جاعداي بولماسىن رەسەيلىك ديپلوماتتار وزىدەرىنىڭ جۇمىستارىن جالعاستىرۋى قاجەت، دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.

«رەسەي-امەريكالىق قارىم-قاتىناستارعا بايلانىستى قانداي دا ءبىر بولجام ايتۋ قيىن. اقش تاراپىنان وڭ كوزقاراستار تۋىنداپ، رۋسوفوبيا توقتايتىن بولار دەگەن ۇمىتتەمىز. امەريكالىقتاردىڭ وزدەرى بارلىق جاعدايدى ءتۇسىنىپ، ارتقا شەگىنۋلەرى قاجەت. ءدال قازىرگى كەزدە بولىپ جاتقان وقيعالار، ايتىلىپ جاتقان سوزدەر، كونگرەسستە ورىن الىپ جاتقان جاعدايلار مەن امەريكالىق ساياساتكەرلەردىڭ پىكىرلەرىنە سۇيەنىپ ايتار بولساق، جاقىن ارادا رەسەي-امەريكا قارىم-قاتىناسىندا وڭتايلى وزگەرىستەر بولادى دەپ ايتا المايمىن. الايدا، قانداي جاعداي بولماسىن، رەسەيلىك ديپلوماتتار ءوز جۇمىستارىن جالعاستىرۋى قاجەت»، - دەيدى وۆسياننيكوۆ «كومسومولسكايا پراۆدا» گازەتىنە بەرگەن سۇحباتىندا.

ايتا كەتەر بولساق، ماسكەۋ رەسەيدەگى اقش ديپميسسيا قىزمەتكەرلەرىنىڭ سانىن 755 ادامعا دەيىن قىسقارتۋعا شەشىم شىعارعان بولاتىن. ءسىم مالىمەتىنە سايكەس، وسىلاي رەسەي بيلىگى اقش-تىڭ رەسەيگە قارسى سالىنعان سانكسيالارعا جاۋاپ بەرگەن.

ءوز كەزەگىندە، اقش 23 تامىزدان باستاپ بۇكىل رەسەيگە نيميگراسيوندى ۆيزا بەرۋىن توقتاتقان بولاتىن.