حالىق نازارىن وتانداستارىنىڭ تابىسقا جەتۋ جولىنا اۋدارتۋ ءۇشىن ەلباسى نۇرسۇلتان نازاربايەۆ «قازاقستاننىڭ 100 جاڭا ەسىمى» جوباسىن باستاۋدى ۇسىندى دەپ جازادى Qamshy.kz اقپارات اگەنتتىگى.

بۇل باستاما ءۇش مىندەتتى شەشۋگە باعىتتالعان: ءوز اقىل-بىلىمىمەن، ەڭبەگىمەن، دارىنىمەن زاماناۋي قازاقستاندى قالىپتاستىرىپ جۇرگەن ازاماتتاردى قوعامعا پاش ەتۋ، ءبىزدىڭ دارىندى زامانداستارىمىزعا اقپاراتتىق قولداۋ كورسەتۋ جانە تانىستىرۋعا ارنالعان جاڭا مۋلتيمەديالىق الاڭدى قۇرۋ.

ەلباسىمىز ن.نازاربايەۆ باستاماسى بويىنشا قولعا الىنعان  "قازاقستاننىڭ 100 جاڭا ەسىمى" جوباسى بويىنشا وتىنىشتەردى قابىلداۋ جالعاسۋدا. ءقازىر 100esim.el.kz سايتىندا مىڭنان استام ءوتىنىش جاريالاندى. كەي ادامدارعا ينتەرنەتتىڭ قولجەتىمدى ەمەس ەكەنىن ەسكەرىپ، جوبانى بۇقاراعا كەڭىنەن تانىتۋ ماقساتىندا بۇگىن el.kz ينتەرنەت جوباسىنىڭ رەداكسياسى "قازاقستاننىڭ 100 جاڭا ەسىمى" جوباسىنا وتىنىشتەردى وفلاين قابىلداۋ اكسياسىن باستادى. استانا قالاسىنىڭ تورىندە ورنالاسقان «بايتەرەك» مونۋمەنتىنىڭ جانىندا ارنايى ستەند قۇرىلىپ، جوباعا وتىنىشتەردى قابىلداۋ ۇيىمداستىرىلدى.

ەl.kz رەداكسياسىنىڭ ءجۋرناليسى قىرمىزى ايداروۆانىڭ ايتۋىنشا، وتىنىشتەردى وفلاين قابىلداۋ اياسىندا ازىرگە 200-دەن استام ۇمىتكەرلەر تۋرالى دەرەكتەر جازىلدى:

"باستاپقىدا ءبىز اكسيانى ۇيىمداستىرۋ كەزىندە بۇل اكسيا تەك استانالىقتاردى عانا قامتيدى دەپ ويلادىق. الايدا «بايتەرەك» قالا قوناقتارىنىڭ ەڭ سۇيىكتى جەرى ەكەن. ءبىز بۇگىن قابىلداعان وتىنىشتەردىڭ كوپشىلىگى رەسپۋبليكامىزدىڭ ءار ايماعىنان بولىپ شىقتى، ءتىپتى، تۇكپىردەگى شالعاي اۋىلداردان كەلگەن ازاماتتار ءوتىنىش تولتىرۋدا. بۇل – وتە قۋانىشتى جاعداي. ءتۇرلى وقيعالار مەن اڭگىمەلەردى كەيىپكەرلەرىمىزدىڭ ءوز اۋزىنان تىڭداعان تاماشا اسەر قالدىرادى ەكەن. بۇگىنگى وتىنىشتەر قابىلداۋ پروسەدۋراسى ەرەكشە شابىتپەن وتۋدە".

"قازاقستاننىڭ 100 جاڭا ەسىمى» جوباسىنا وفلاين ءوتىنىش قابىلداۋ بۇگىن كەشكە دەيىن جالعاسادى. جوبا ورىنداۋشىلارى el.kz رەداكسياسى مۇنداي اكسيالارى ءالى دە وتكىزىپ تۇرۋعا دايىن ەكەنىن ايتتى.

ال 100esim.el.kz سايتىندا وتىنىشتەردى قابىلداۋ قىركۇيەك ايىنىڭ 15-ىنە دەيىن جالعاساتىنىن ەسكەرتەمىز. «قازاقستاننىڭ 100 جاڭا ەسىمى» جوباسىنا لايىق ازاماتتار ءسىزدىڭ اراڭىزدا دا بولۋى مۇمكىن، سوندىقتان ءوتىنىش بەرۋگە اسىعىڭىزدار.