ورتالىق كوممۋنيكاسيالار قىزمەتىنىڭ الاڭىندا استانا قالاسىندا وتەتىن جوبالىق باسقارۋ سالاسىنداعى مەرەيتويلى دۇنيەجۇزىلىك ءىرما كونگرەسىنە ارنالعان باسپا ءسوز كونفەرەنسياسى ءوتتى دەپ حابارلايدى Qamshy.kz اقپارات اگەنتتىگى. ءىس-شاراعا 30-شى دۇنيەجۇزىلىك ءىرما كونگرەسى ۇيىمداستىرۋ كوميتەتىنىڭ ءتوراعاسى ماقسات ماماشيەۆ، «بايتەرەك» ۇلتتىق اتقارۋشى حولدينگى» اق جوبالىق قارجىلاندىرۋ جانە مەملەكەتتىك-جەكەمەنشىك ارىپتەستىك دەپارتامەنتىنىڭ جوبا جەتەكشىسى باۋىرجان حامزين، باعدارلامالىق كوميتەتتىڭ مۇشەسى چينۆي مگبەرەنىڭ جانە قازاقستاننىڭ  جوبالاردى باسقارۋ  قاۋىمداستىعىنىڭ سەرتيفيكاتتاۋ ورتالىعىنىڭ باسشىسى راحماتۋللو سايدۋللايەۆ قاتىستى.

دۇنيەجۇزىلىك كونگرەسس اياسىندا بىرنەشە پانەلدىك سەسسيالار، ستەندتىك باياندامالار، تۇساۋكەسەرلەر، كورمەلەر مەن جوبالىق باسقارۋ سالاسىنداعى مارتەبەلى حالىقارالىق سىيلىعىنىڭ فيناليستەرىن ماراپاتتاۋ ءراسىمى وتەدى. كونگرەسس باعدارلاماسىندا گەرمانيا، جاپونيا، ۇلىبريتانيا، رەسەي فەدەراسياسى، اۆستراليا، ۋكراينا، يتاليا، شۆەيساريا جانە قازاقستان ەلدەرىنىڭ كوشباسشى عالىمدارىنىڭ نەگىزگى باياندامالارى ۇسىنىلادى. تالقىلاۋدىڭ نەگىزگى تاقىرىپتارى ءبىلىم، عىلىم جانە ەكونوميكانىڭ نەگىزگى سالالارىن، وزىق تەحنولوگيالارمەن مەملەكەتتىك باسقارۋ سالالارىن دامىتۋداعى الدىنعى قاتارلى قۇزىرەتتەرى بولماق.

باسپا ءسوز كونفەرەنسياسى بارىسىندا 30-شى دۇنيەجۇزىلىك ءىرما كونگرەسى ۇيىمداستىرۋ كوميتەتىنىڭ ءتوراعاسى ماقسات ماماشيەۆتىڭ ايتۋى بويىنشا، قازاقستان ءۇشىن الداعى جۇمىس بارىسى، جوبالاردى باسقارۋ سالاسىنداعى الەمدىك تاجىريبەنى زەرتتەۋ جانە ونى ودان ءارى جۇيەلەندىرۋ پروسەسسىن ەنگىزۋ مەملەكەتتىك باسقارۋداعى جوبالىق مەنەدجمەنت جانە ەلدەگى جوبالىق مەنەدجمەنتتى ادىستەمەلىك ىلگەرىلەندىرۋگە ەرەكشە مۇمكىندىك بەرەدى.

30-دۇنيەجۇزىلىك ءىرما كونگرەسى ق ر ۇكىمەتىنىڭ «حالىقارالىق مامانداندىرىلعان ەكسپو-2017 كورمەسى» باعدارلاماسىنا ەنگەنى بەلگىلى.

كونگرەستىڭ ۇيىمداستىرۋشىلارى حالىقارالىق ءىرما جوبالارىن باسقارۋ اسسوسياسياسى، قازاقستاننىڭ  جوبالاردى باسقارۋ  قاۋىمداستىعى، «نۇرسۇلتان نازاربايەۆ ءبىلىم فوندى» قف جانە نازاربايەۆ ۋنيۆەرسيتەتى. جوبالىق باسقارۋ سالاسىنداعى ەڭ ءىرى شارا 2017 جىلعى 5-7 قىركۇيەك ارالىعىندا استانا قالاسىنداعى نازاربايەۆ ۋنيۆەرسيتەتىندە وتەدى. وعان 70 ەلدەن كەلگەن 500 وكىل قاتىسادى.

بۇدان بولەك كونگرەسس شەڭبەرىندە 2-4 قىركۇيەكتە جاس جوبالىق مەنەدجەرلەر ءۇشىن IPMA دۇنيەجۇزىلىك جاستار سەمينارلارى وتەدى. ۇشكۇندىك شارا جوبالىق باسقارۋ سالاسىنداعى كوشباسشى جاتىقتىرۋشىلاردى جانە بارلىق سالالاردىڭ كاسىبي ماماندارىن تارتۋ، ءبىلىم جانە تاجىريبە الماسۋ، جوبالىق باسقارۋ داعدىلارىن بەرۋگە باعىتتالعان.

1967 جىلدان ۆەنادا 1ء-شى دۇنيەجۇزىلىك كونگرەسستىڭ وتكىزىلۋىنەن باستاپ، IPMA جوبالىق باسقارۋداعى تۇراقتى دامىپ كەلە جاتقان ۇيىم، جوبالىق باسقارۋدىڭ جەكە كاسىبي ءتارتىبى رەتىندە قالىپتاسۋىنا قولداۋ كورسەتەتىن كوشباسشى قاۋىمداستىق.

مەرەيتويلى دۇنيەجۇزىلىك كونگرەسستى قازاقستاندا وتكىزۋ قۇقىعى 2015 جىلعى قىركۇيەكتە پانامادا وتكەن 29-شى دۇنيەجۇزىلىك كونگرەسستە بەرىلدى.