قازاقستان رەسپۋبليكاسىنىڭ دەنساۋلىق ساقتاۋ مينيسترلىگى، وبلىستار، استانا مەن الماتى قالالارىنىڭ جەرگىلىكتى اتقارۋشى ورگاندارىنىڭ، سونداي-اق، قوعام وكىلدەرىنىڭ ۇسىنىسى بويىنشا كەپىلدەندىرىلگەن تەگىن مەديسينالىق كومەك كورسەتۋ اياسىندا بالالاردى مىندەتتى ۆاكسيناسيالاۋ ماسەلەلەسى قارالىپ، زەرتتەلۋ ۇستىندە دەپ جازادى Qamshy.kz اقپارات اگەنتتىگى.

تۇرعىنداردىڭ سانيتارلىق-ەپيدەميولوگيالىق ساۋلىعى سالاسىنداعى ۋاكىلەتتى ورگان جانە ونىڭ وڭىرلىك ورگاندارى تاراپىنان ۆاكسيناسيادان باس تارتۋ سەبەپتەرى مەن ديناميكاسىنا مونيتورينگ جۇرگىزىلەدى.

سوڭعى جىلدارى رەسپۋبليكامىزدا، ونىڭ ىشىندە ەلىمىزدىڭ باتىس ايماقتارىندا ءدىني كوزقاراسى بويىنشا ۆاكسيناسيالاۋدان باس تارتۋ ماسەلەسى وزەكتى كۇيىندە قالىپ وتىر. اتالعان ايماقتاردا بۇل كورسەتكىش 80%-دى قۇرايدى.

ءدىني كوزقاراسى بويىنشا ەكپەدەن باس تارتۋ اتىراۋ وبلىسىندا – 88،9%، اقتوبە وبلىسىندا – 87،9%، باتىس قازاقستاندا وبلىسىندا – 89،3% قۇرايدى. ءدىني كوزقاراسى بويىنشا باس تارتۋدىڭ جوعارى كورسەتكىشى وڭتۇستىك قازاقستاندا دا بايقالادى (71،3%).

2016 جىلى قازاقستان رەسپۋبليكاسىندا  پروفيلاكتيكالىق ەكپەدەن باس تارتۋ تىركەلدى. 2015 جىلمەن سالىستىرعاندا باس تارتقاندار سانى 13،4% (8383) وسكەندىگى كورسەتىلەدى.

باس تارتۋدىڭ نەگىزگى سەبەپتەرى 45% (4360) جەكە ماسەلە بويىنشا، 42،9% (4151) ءدىني كوزقاراسى بويىنشا باس تارتسا، ال 6،2% (600) بۇقارالىق اقپارات قۇرالدارىندا جاريالانعان جاعىمسىز اقپارتتىڭ سالدارىنان ەكپەدەن باس تارتقان. تۇرعىنداردىڭ 6،1% (589) ۆاكسيناعا سەنىمسىزدىك بىلدىرەدى.

قازاقستان رەسپۋبليكاسى دەنساۋلىق ساقتاۋ مينيسترلىگىنىڭ اقپاراتى بويىنشا ۆاكسينادان باس تارتۋ سانىنىڭ ءوسۋى ۆاكسينالىق باسقارۋعا بولاتىن ينفەكسياعا بەيىم كونتيگەنتتىڭ بولۋىنا اكەپ سوعادى. بۇل ولار اۋىرعان جاعدايدا مۇگەدەكتىك نەمەسە ادام ولىمىنە دەيىن اۋىر اسقىنۋلارعا اكەلەدى.

قازاقستان رەسپۋبليكاسى كونستيتۋسياسىنىڭ 31-بابىنا سايكەس مەملەكەت ادامنىڭ دەنساۋلىعى مەن ءومىرى ءۇشىن جاعداي جاساۋ، قورشاعان ورتانى قورعاۋدى ماقسات ەتىپ قويادى.

قازاقستان رەسپۋبليكاسى كونستيتۋسياسىنىڭ 39-بابىنا سايكەس ادامنىڭ جانە ازاماتتىڭ قۇقىقتارى مەن بوستاندىقتارى تۇرعىنداردىڭ دەنساۋلىعىن قورعاۋ ماقساتىندا قاجەتتى دەڭگەيدە زاڭمەن شەكتەلۋى مۇمكىن.

قازىرگى ۋاقىتتا زاڭ جوباسى اياسىندا قاراستىرىلىپ وتىرعان مىندەتتى ۆاكسيناسيالاۋدى ەنگىزۋ ماسەلەسى تالقىلانۋ ۇستىندە.