ءوزىن ءتاڭىرشىلمىن دەپ ايتاتىن قازاقستاندىق توقتار ابىز قۇربان ايت تۋرالى ءوزىنىڭ تاعى ءبىر پىكىرىن ءبىلدىردى. بۇل جولى توقتار ابىز  قۇربان ايت مەرەكەسى  ەۆرەي ۇلتىنىڭ مەيرامى دەپ مالىمدەدى دەپ حابارلايدى Qamshy.kz اقپارات اگەنتتىگى.

«اۆرام قارتايعان شاعىندا جالعىز ۇلى  دۇنيەگە كەلەدى. اتىن يسااك دەپ قويادى. اۆرام ۇلىنىڭ ءوسىپ كەلە جاتقانىنا قاتتى  قۋانادى. ءبىر كۇنى اللا تاعالا «سۇيىكتى ۇلىڭدى الىپ مەن ايتقان جەر بار»،-  دەپ بۇيىرادى. اۆرام اللا تاعالانىڭ بەرگەن بۇيرىنعى بويىنشا ۇلىن الىپ ايتقان جەرگە بارادى. سوندا اللا تاعالا جالعىز  ۇلىڭدى مەن ءۇشىن قۇرباندىققا شال دەپ بۇيرىق بەرەدى. يسااكتى قۇرباندىققا شالايىن دەپ جاتقاندا پەرىشتە كەلىپ «اۆرام بالاڭىزدى قۇرباندىققا شالماڭىز. ءسىز قۇدايدان قورقادى ەكەنسىز»،- دەپ ايتادى  اۆرام بۇنى ەستىپ بالاسىن ەمەس قويدى قۇرباندىققا شالادى». وسىعان سۇيەنە وتىرىپ توقتار ابىز بىلاي دەگەن بولاتىن.

«اۆرام ەۆرەي ۇلتىنان شىققان. اۆرام بالاسى يسااكتى  قۇرباندىققا شالايىن دەگەن كەزىندە بالاسى امان قالعان بولاتىن. قۋانىش ەۆرەيدىكى. جىلدا جاسالاتىن مەرەكە سولاردىكى بولۋ كەرەك. بايقاپ قاراساڭىزدار ءدال وسى  يسلامنىڭ قولىندا بار قۇران  كىتابىنداي كىتاپ، بيبليا ءىنجىل باسقالاردىڭ دا  قولىندا وتىر. ول كىتاپتاردىڭ ىشىندە ءدال وسى وقيعا جازىلعان، ءبىراق حريستياندىقتار، كاتوليكتەر  يسااك امان قالدى دەپ ەشتەڭە سويمايدى. وندا نەگە ءبىز يسااكتىڭ قۋانىشىنا ارناپ قۇرباندىق شالۋ كەرەكپىز.  امان قالعان باسقا حالىقتىڭ ءتۇب اتاسى. تۇسىنە المايمىن. تۇسىنگىم دە كەلمەيدى. اقيقاتىندا  مىڭعىرعان قويىن، سيىرىن، تۇيەسىن سويىپ تاستاپ، مۇسىلمانداردىڭ ءبارىن شاقىرىپ، بۇكىل الەمدى شاقىرىپ، اراب حالقى اتاپ ءوتۋ كەرەك. نەگە ارابتار  جاسامايدى؟ نەگە الەمگە جاساتىپ قويدى، ونىڭ ىشىندە قازاققا توپىرلاتىپ مول سويعىزىپ، مەرەكە جاساتىپ قويدى. قازاق ويلاندى ما؟ ءوزىنىڭ اتا-بابالارىنا مەرەيتويىنا مال جينا دەسە، جىلاپ ءجۇرىپ جينايدى. ال يسااكتىڭ امان قالعان قۋانىشىنا قازاق دۇركىرەتىپ توي جاسايدى. ەشنارسەسىن اياپ جاتقان جوق. تۇسىنبەيمىن»- دەدى توقتار ابىز.