يمانعالي تاسماعامبەتوۆتىڭ قىزى اسەل تاسماعامبەتوۆا الماتى قالاسى، ناۋرىزباي اۋدانىنداعى اقجار اۋىلىندا مەكتەپ اشتى دەپ حابارلايدى Qamshy.kz اقپارات اگەنتتىگى.

 بۇل تۋرالى وتاندىق كاسىپكەر بەيبىت الىبەكوۆ ءوزىنىڭ Instagram پاراقشاسىندا جازعان بولاتىن.

 «وسىنداي تاماشا مەرەكەدە دوسىم اسەل مەن ونىڭ «ءسابي» قورى اقجار اۋىلىنىڭ 1200 بالاسىنىڭ ارمانىن ورىندادى. مەملەكەتتەن ءبىر تيىن الماي، ول 1200 بالاعا اۋماعى 11 625 شارشى مەتر، 10 بلوكتان تۇراتىن مەكتەپ- گيمنازياسىن تۇرعىزدى. اسەل مەن دوستارى مەكتەپتى اۋىلدىڭ بارلىق تۇرعىندارىنا ارنايدى جانە اكىمدىك بالانسىنا وتكىزەدى. اسەل ءبىزدىڭ بالالارىمىز ءۇشىن زامانۋي مەكتەپ تۇرعىزامىن دەپ بارلىق پروسەسسكە باسا ءمان بەردى»،- دەپ جازدى ول.

«سونداي-اق، اسەل ءوز حالقىنىڭ ناعىز قىزى. وسىنداي ادامدار كوپ بولسا، بىزگە 100 مەكتەپ مە ەمحانا دەگەن باعدارلامالار ستاتۋسى كەرەك ەمەس. ولاردىڭ بارلىعى جيناعان دۇنيەلەرىن وزدەرىمەن الىپ كەتپەيتىنىن تۇسىنەدى جانە سول ءۇشىن بار كۇشتەرىن سالۋدا. بۇل مىسال كوپشىلىككە ۇلگى بولسىن!»، - دەپ جازدى بەيبىت الىبەكوۆ.

ايتا كەتسەك، اسەل يمانعالي قىزى بۇعان دەيىن دە اقتوبەدە جەتىم بالالارعا ارناپ ءۇي سالىپ بەرگەن ەدى. 

سونداي-اق، ول وتكەن جىلى الماتىدا ورتالىق ازيا ەكولوگيالىق زەرتتەۋلەر ينستيتۋتىنىڭ جاڭا عيماراتىن باستاعان بولاتىن.

بۇل ينستيتۋت قورشاعان ورتانى قورعاۋ سالاسىندا قىزمەت كورسەتىپ، جۇمىس ىستەي الاتىندىعى تۋرالى ليسەنزيانى 2012 جىلى 16 قازاندا قورشاعان ورتانى قورعاۋ مينيسترلىگىنەن العان. ياعني، رەسمي تۇردە 2012 جىلى تىركەلگەن. «ورتالىق ازيا ەكولوگيالىق زەرتتەۋلەر ينستيتۋتى» جشس-نىڭ قۇرىلتايشىسى - يمانعالي تاسماعامبەتوۆتىڭ ۇلكەن قىزى - اسەل تاسماعامبەتوۆا. 

اسەل تاسماعامبەتوۆا - قازاقستانداعى تانىمال كاسىپكەر، كەڭەس راقىشيەۆتىڭ ايەلى، بيلىكتەگى اسا ىقپالدى تۇلعا يمانعالي تاسماعامبەتوۆتىڭ ۇلكەن قىزى. ەكى ۇلى بار. «ءسابي» جەكەمەنشىك قايىرىمدىلىق قورى» ارقىلى قايىرىمدىلىقپەن اينالىسادى. بۇل قور - جەتىم بالالارعا، دەنساۋلىعىندا ايتارلىقتاي كەمىستىگى بار سابيلەرگە، سونداي-مۇمكىندىگى شەكتەۋلى ازاماتتارعا كومەك بەرەتىن ۇيىم. اسەل تاسماعامبەتوۆا «ورتالىق ازيا ەكولوگيالىق زەرتتەۋلەر ينستيتۋتى» ج ش س مەن «Telli Kazakhstan» كومپانياسىنىڭ رەسمي يەسى. «Telli Kazakhstan» كومپانياسى سۇلۋلىق پەن دەنساۋلىققا ارنالعان «ليۋكس» كلاستى بيو-بۋتيكتەر جەلىسى. اسەل تاسماعامبەتوۆانىڭ سۋرەتشى ءسىڭىلىسى (سوفيا تاسماعامبەتوۆا) جانە باۋىرى (نۇرسۇلتان تاسماعامبەتوۆ) بار.