اقش-تا 12 مىڭعا جۋىق وقۋشى ءبىلىم كۇنىن ءوز مەكتەپتەرىندە باستاي المادى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە بەرىپ. ويتكەنى ەلدىڭ وڭتۇستىك وڭىرلەرىندە ورىن العان «حارۆي» داۋىلى بىرنەشە ءبىلىم وشاعىن قيراتىپ كەتكەن. رەيتەر اگەنتتىگىنىڭ حابارلاۋىنشا، ەندى اپاتتى جاعدايدا قالعان نىساندار قايتا قالپىنا كەلگەنشە، وقۋشىلار ۋاقىتشا باسقا مەكتەپتەردە ءبىلىم الادى.
ال العاشقى قوڭىراۋ 11 قىركۇيەكتە سوعىلادى. ءبىراق بيلىك وكىلدەرى «بۇل داتا دا ءالى وزگەرۋى مۇمكىن» دەپ وتىر.
ايتا كەتەيىك، اقش جۇرتىنىڭ ەسىن شىعارعان نوسەر جاۋىن مەن «حارۆي» داۋىلى كەسىرىنەن 44 ادام قازا تاپتى. تاعى مىڭداعان ادامنىڭ ءۇيى قيراپ، ۋاقىتشا باسپانالارعا كوشكەن.
