ميانمادان 50 مىڭنان استام مۇسىلمان قاشىپ شىققان دەپ حابارلايدى Qamshy.kz  اقپارات اگەنتتىگى Euronews-كە سىلتەمە جاساي وتىرىپ.

«اسكەرلەر ءبىزدىڭ اۋىلعا كەلىپ، ءبارىن تەكسەرىپ، سيىرلارىمىزدى الىپ كەتتى. سوسىن قايتا ورالىپ، بىزگە وق جاۋدىرا باستادى،  ايەلدەر مەن جاس بالالاردى دا اتتى. ءبىز كۇرىش القابى ارقىلى قاشتىق. اۋىلدا قالعانداردىڭ بارلىعىن ءولتىردى»،-  دەيدى جەرگىلىكتى تۇرعىندار.

ەسكە سالا كەتەيىك، راكحاين شتاتىندا ءدىني سەبەپتەرگە بايلانىستى مۇسىلماندار مەن جەرگىلىكتى بۋدديستەر اراسىندا قاقتىعىستار بىرنەشە رەت ورىن العان بولاتىن. وقيعا تامىز ايىندا ەلدە ۇيىمداسقان يسلامدىق قوزعالىستىڭ پوليسيا بولىمشەسىنە شابۋىلىنان كەيىن كۇردەلەنە ءتۇستى. مۇسىلماندار تۇراتىن 2600-دان اسا ءۇي ورتەلگەن.سالدارىنان 400 ادام زارداپ شەكتى. 50 مىڭنان اسا مۇسىلمان بوسقىن اتاندى. ميانمادا مۇسىلماندارعا قارسى زورلىق-زومبىلىقتان سوڭعى جىلدارى مىڭداعان ادام كوز جۇمعان بولاتىن.