اۋىلدا جازعى دەمالىستا جۇرگەن كەزىمىزدە  الماتى وبلىسىندا جول اقىسىنىڭ كوتەرىلگەنىن ەستىپ ءبىراز ۋايىمداپ قالدىق. سەبەبى،  ءبىز سياقتى قالانىڭ سىرتىندا وقيتىن سان مىڭداعان ستۋدەنتتەرگە وڭاي بەرىلمەيدى. سول سەبەپتەن دە قالانىڭ ىشىندە  كۇندەلىكتى قاراپايىم حالىق سياقتى تولەيتىن بولامىز. وسى وڭاي ماسەلەسى «باياعى جارتاس سول جارتاس» بولىپ-اق تۇر ەمەس پا؟  ۋنيۆەرسيتەتىمىزدە وقيتىن كوپتەگەن ستۋدەنتتەر وسى جايلى جازىپ تا ، بارىپ ايتىپ تا ءجۇر. ءتىپتى، ول از دەسەڭىز جارتى ستۋدەنتتەر كەلىسىمىمەن قولدارىن قويعىزىپ، ءوتىنىش جاسالدى.  الايدا، ءبىزدىڭ جاعدايىمىزدى ەسكەرە وتىرىپ، ءوز قولداۋىن ءبىلدىرىپ جاتقان جوعارى جاقتان ەشكىمدى بايقاي المادىم.  كەرىسىنشە، بەلگىلى ءبىر سەبەپتەردى العا تارتا وتىرىپ،  كەلىسىمدەرىن بەرمەيدى.

ستۋدەنتتەر ءۇشىن كۇندەلىكتى جول اقىسىنىڭ ءوزى ۇلكەن شىعىنداي كورىنەدى ەمەس پا؟  الىس-جاقىننان كەلىپ وقىپ جۇرگەن جاستارىمىزدىڭ پاتەر ، جول  اقىسىنا الاڭداۋمەن كۇندەرىن وتكىزىپ جاتقاندارىنا قاتتى الاڭدايمىن. قازىرگى ۋاقىتتا پاتەر  باعاسى دا تىم جوعارى. بالالارىن وقىتۋ  ءۇشىن ەشنارسەدەن ايانبايتىن اتا-انا  كەز-كەلگەن باعاعا كەلىسىمدەرىن بەرىپ جاتادى.  پاتەر جاعىن اتا-انا وزدەرى شەشە وتىرىپ، اسقاقتاپ تۇرعان باعاعا كوزدەرىن جۇمىپ، جالداتقىزىپ جاتىر دەلىك.  ال ەندى جول اقىسىنا كەلسەك قالاعا شىققان سايىن 150 تەڭگەدەن  بەرەتىن بولساق ءبىر ايلىق شاكىرت اقىمىزدىڭ ءوزى جەتپەي قالۋى مۇمكىن كورىنەدى. ارينە، قاسكەلەڭنىڭ ىشىندەگى جول اقىسى بۇرىنعى قالپىندا ساقتالىپ تۇرعانى قۋانتادى. ءبىراق تا ستۋدەنت بولعان سوڭ اتى  ايتىپ تۇرعانداي ىزدەمپاز جاستاردىڭ قالا جاققا قاراي كوپ بارارى انىق. بار ونەردىڭ قايناپ جاتقان ورتاسىنان قالاي تىسقارى قالۋعا بولادى. ءتىپتى، جول اقىسىنا بولا قاسكەلەڭنەن الىسقا شىقپايتىن جاستارىمىزدا جەتەرلىك...  

كۇرمەۋى شەشىلمەي جاتقان وڭاي ماسەلەسىنىڭ ۇستىنە، پاتەر جاعى دا قوسىلىپ تۇر.  الدىندا ايتىپ وتكەنىمدەي پاتەر باعاسىنىڭ بىردەن كوتەرىلىپ كەتۋىنە نە سەبەپ ؟  وقۋعا كەلەر الدىندا تۇراتىن ءۇي ىزدەپ، دوستارىما حابارلاسىپ ەدىم، باعالارى  بىلتىرعىدان دا  جوعارى بولىپ تۇرعاندارىن ايتتى. مىسالعا 1 بولمەلى 80-100 مىڭ، 2 بولمەلى پاتەر اقىسى 120-140 تەڭگەدەن. اتا-انالاردىڭ ، ستۋدەنتتەردىڭ بىردەن سارى ۋايىمعا سالىنىپ، الاڭداپ كەتەتىندەرى انىق عوي. وعان مەن پاتەر ىزدەگەن كەزدە حابارلاسقان تالاي اتا-انانىڭ  ايتقان سوزدەرى دالەل. « بالامنىڭ ارمانى ۋنيۆەرسيتەتتە وقۋ. مەن قالاي عانا ونىڭ بولاشاعىنا بالتا شابامىن. ءوزىم اش قالسام دا، باۋىر ەتىپ بالام توق جۇرسە ەكەن...» - دەپ  تەبىرەنە سويلەگەن اق جاۋلىقتى انالاردىڭ داۋسىن ەستىگەن كەزدە ءىشىڭ ۋداي اشيدى.   پاتەر تۇرماق،  جاتاقحانانىڭ دا باعاسى ارزان ەمەس.  ونىڭ ۇستىنە جاتاقحانادا ورىن جوق .  ال ءۇي تاپپاي ساندالىپ  جۇرگەن ستۋدەنتتەر قوناق ۇيلەردى جاعالاپ جۇرگەنى انىق.

وسىلاي كوپ ماسەلەنىڭ جەتەگىنە ەرىپ جۇرگەن ءبىز سياقتى تالاي جاستاردى وقۋعا دەگەن ىنتاسى دا جوعالىپ كەتپەسىنە كىم كەپىل؟ 

اي سايىن پاتەر، جول اقىسىن تولەۋمەن قوسا تاماققا، كيىمگە كەتەتىن قارجىنى دا ەسەپتەي بەرىڭىز. ايىنا الاتىن ورتاشا جالاقىلارى 30-40 مىڭنان اسپايتىن اۋىلداعى اتا-انالاردىڭ بار تاپقان-تايانعانىن باۋىر ەتى بالاسىنا جىبەرىپ، وزدەرى قالاي كۇن كەشىپ جاتقانى دا الاڭداتادى.

شەشىمى تابىلماعان ماسەلەلەردىڭ بارلىعىن كورە وتىرىپ، بيلىك باسىنداعى اعالارىمىز ەل بولاشاعى جاستاردىڭ  قامىن جاساماسا ەل ەرتەڭىنە قالاي سەنىممەن قارايدى ەكەنبىز...

 تىلەگەن كوگەرشىن