10-11 قىركۇيەكتە استانادا العاش رەت عىلىم جانە تەحنولوگيالار بويىنشا يسلام ىنتىماقتاستىق ۇيىمىنىڭ ءسامميتى وتەدى دەپ حابارلايدى Qamshy.kz اقپارات اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

رەسمي دەلەگاسيانىڭ قاۋىپسىزدىگىن قامتاماسىز ەتۋ ماقساتىندا ەلوردانىڭ ءبىرقاتار كولىك ماگيسترالىندە قوزعالىسقا ءىشىنارا شەكتەۋ قويىلادى.

قابانباي باتىر داڭعىلى، ماڭگىلىك ەل كوشەسى، قونايەۆ كوشەسى، دوستىق كوشەسى، تۇران داڭعىلى، سارىارقا داڭعىلى، اباي داڭعىلى، كەنەسارى كوشەسى مەن تاۋەلسىزدىك داڭعىلى، ۇلى دالا كوشەسىندە كولىك قوزعالىسىنا ۋاقىتشا شەكتەۋ قويىلادى.

قالالىق كوشەلەردىڭ جۇكتەمەسىن ەسكەرە كەلە جانە قالا جولدارىندا كەپتەلىس جاعدايلارىنا تاپ بولماس ءۇشىن قالا بيلىگى ەلوردا تۇرعىندارى مەن قوناقتارىنا ءجۇرۋ مارشرۋتتارىن الدىن الا جوسپارلاپ الۋعا كەڭەس بەرەدى.

ەستەرىڭىزگە سالا كەتەيىك، يىۇ ءسامميتىن ۇيىمداستىرۋ ەلباسى نۇرسۇلتان نازاربايەۆتىڭ باستاماسى. مەملەكەت باسشىسى بۇنى 2016 جىلدىڭ ءساۋىر ايىندا ىستامبۇلدا وتكەن يىۇ XIII سامميتىندە ايتقان بولاتىن.

استانالىق يىۇ سامميتىنە بارلىق مەملەكەتتەر-يىۇ مۇشەلەرى، اتاپ ايتقاندا 35 ەل، باقىلاۋشى-مەملەكەتتەر جانە ءبىرقاتار باسقا حالىقارالىق جانە وڭىرلىك ۇيىمداردىڭ وكىلدەرى شاقىرىلدى.

10 قىركۇيەكتە ءسامميتتىڭ قاتىسۋشىلارى استانا ەكسپو-2017 كورمەسىنىڭ جابىلۋ سالتاناتىنا قاتىسادى دەپ كۇتىلۋدە.