اقش-تىڭ تەحاس شتاتىن «حارۆي» داۋىلى جاقىنداپ، كوپتەگەن ۇيلەردى قيراتىپ، 60 ادامدى ومىرىنەن ايىرعانى حابارلانعان بولاتىن. اقش-تىڭ وڭتۇستىگىندەگى شتاتتاردا الاپات داۋىل سالدارىنان قۇتقارۋ-ىزدەستىرۋ جۇممىستارى قارقىندى جۇرگىزىلىپ جاتقانى دا ايتىلدى. 

«حارۆي» داۋىلى ويران سالعانىنا بىرنەشە كۇن وتكەننەن كەيىن اقش-قا ساعاتىنا 200 شاقىرىم جىلدامدىقپەن تاعى ءبىر داۋىل جاقىنداپ كەلەدى، دەپ جازادى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ.  داۋىلدىڭ اتى – «يرما».

اقش-تىڭ ۇلتتىق داۋىل ورتالىعى اتالمىش داۋىلعا 5 باللدىق شكالانىڭ ءتورتىنشى دارەجەسىنە جەتكەنىن حابارلاپ وتىر.

وى تۇستا ايتا كەتسەك، «حارۆي» داۋىلى دا باستالار تۇستا ءدال وسىنداي كورسەتكىشتى كورسەتكەن بولاتىن.

تەحاس شتاتىنىڭ گۋبەرناتورى گرەگ ەببوتتىڭ مالىمدەۋىنشە، سۋ تاسقىنىمەن كۇرەسكە 180 ملرد. دوللار قاجەت بولادى.  ال كوشەلەردى قوقىستار مەن قيراندىلاردان تازارتۋ ءۇشىن 100 ملن. دوللار جۇمسالماق.

ءبىر داۋىلدىڭ ەكپىنى باسىلماي تۇرعان تۇستا الپاۋىت ەلگە تاعى ءبىر داۋىل جاقىندادى. 5 قىركۇيەك كۇنى كاريب ارالدارى ماڭىندا، ناقتىلاي ايتساق پۋەرتو-ريكو ايماعىندا تولاسسىز جاڭبىر جاۋادى دەپ كۇتىلىپ وتىر.  ازىرگە مەتەورولوگتار داۋىلدىڭ باعىتىن ناقتى ايتا الماي وتىر. جوبا بويىنشا 9 قىركۇيەك كۇنى داۋىل فلوريدانىڭ وڭتۇستىگىنە دەيىن جەتەدى. «اۋزى كۇيگەن ۇرلەپ ىشەدى» دەمەكشى داۋىلدىڭ زاردابىن تارتقان ەل فلوريدا شتاتى مەن پۋەرتو-ريكو ايماعىندا توتەنشە جاعداي تۋرالى حابار تاراتىپ ۇلگەرگەن.