ميانماداعى مۇسىلماندارعا جاسالىپ وتىرعان  گەنوسيدكە قارسى شەشەنستانداعى گروزنىي قالاسىنىڭ تۇرعىندارى ميتينگكە شىققان بولاتىن. رەسمي دەرەككە سايكەس ميتينگكە قاتىسقان ادامداردىڭ سانى 1 ملن. 100 مىڭ بولعان، - دەپ جازادى Qamshy.kz اقپارات اگەنتتىگى شەتەلدىك  باق-قا سىلتەمە جاساي وتىرىپ.  ميتينگكە شىققاندار ميانماداعى روحيندجا مۇسىلماندارعا جاسالىپ جاتقان جاۋىزدىقتى توقتاتۋدى تالاپ ەتىپ وتىر.  اتالعان ميتينگكە شەشەنستاننىڭ باسشىسى رامزان قادىروۆ تا قاتىسىپ، ءسوز سويلەدى.  سونىمەن بىرگە وزگە ايماقتاردان دا مىڭداعان ادامدار كەلىپ، ميتينگكە اتسالىسقان بولاتىن. گروزنىي قالاسىنىڭ بىرنەشە تەلەارنالارى ميتينگتى تىكەلەي ەفير ارقىلى كورسەتكەن. ميلليوننان استام ادامنىڭ ماقساتى مەن تالابى ءبىر. ولار ءوز باۋىرلارىنا جاسالىپ جاتقان سورىقىلىقتى توقتاتىپ، جاۋىزداردىڭ جازالانعانىن قالايدى.

ەسكە سالا كەتەتىن بولساق، ميانما ۇكىمەتى ءوز ەلىن مەكەندەگەن روحيندجا مۇسىلماندارىن جاۋىزدىقپەن، ازاپتاپ ءولتىرىپ جاتىر. رەسمي دەرەككە سايكەس قازا تاپقان مۇسىلمانداردىڭ سانى 400 بولسا، بەيرەسمي دەرەكتەرگە سۇيەنسەك  ولاردىڭ سانى 4 مىڭعا جەتكەن.