ەكىباستۇزدا ءبىرىنشى قاباتتا ءبىر بولمەلى پاتەردە ليفت قىزمەتىنىڭ №173 كەزەكشىلىك بولىمىندە ءورت شىقتى، دەپ حابارلايدى Qamshy.kz اقپارات اگەنتتىگى پاۆلودار وبلىسى توتەنشە جاعدايلار دەپارتامەنتى مالىمەتىنە سۇيەنىپ.

وبلىستىق ءتجد-نىڭ مالىمەتىنشە، قىزىل جالىن جيھاز بەن تەرەزە جاقتاۋىن شارپىپ، 15 شارشى مەتر اۋماق جانعان.

- ءتىلسىز جاۋدى اۋىزدىقتاۋعا ءبىر تەحنيكا مەن ەكى زۆەنو جۇمىلدىرىلدى. ءورت سوندىرۋشىلەر جەتىنشى قاباتتان باسپالداق ارقىلى 22 ادامدى سىرتقا شىعاردى. ونىڭ 12ء-سى ەرەسەكتەر بولسا، ونى – بالالار. زارداپ شەككەندەر جوق. تۇرعىنداردىڭ بارلىعى امان. قازىرگى تاڭدا ءورتتىڭ شىعۋ سەبەبى مەن كەلتىرىلگەن شىعىن كولەمى انىقتالۋدا، - دەلىندى دەپارتامەنتتە.

ديسپەچەرلىك قىزمەت «ەكىباستۇز ليفت» جشس-نە تيەسىلى. ءورت ساعات 21.19-دا اۋىزدىقتالىپ، ساعات 21.28-دە تولىعىمەن سوندىرىلگەن.