سىرتقى ىستەر ءمينيسترى قايرات ءابدىراحمانوۆ قازاقستانعا رەسمي كەلەگەن بۇۇ-نىڭ مۇگەدەكتەر جونىندەگى ارنايى بايانداماشىسى كاتالينا ديەۆانداس اگيلارمەن كەزدەستى دەپ حابارلايدى Qamshy.kz اقپارات اگەنتتىگى ق ر ءسىم باسپا ءسوز قىزمەتىنە سىلتەمە جاساپ.

سۇحبات بارىسىندا قازاقستان مەن بۇۇ ادام قۇقىقتارى جونىندەگى كەڭەسىنىڭ ارنايى پروسەدۋراسى ينستيتۋتىنىڭ ءوزارا ىنتىماقتاستىق ماسەلەلەرى تالقىلاندى. 2015 جىلى 20 اقپاندا راتيفيكاسيالانعان بۇۇ مۇگەدەكتەر قۇقىقتارى جونىندەگى كونۆەنسياسىن جۇزەگە اسىرۋ بويىنشا قازاقستان تاراپىنان اتقارىلىپ وتىرعان شارالار تاقىرىبىنا اسا ءمان بەرىلدى.

ق. ءابدىراحمانوۆ بۇۇ وكىلىن مۇگەدەكتەر ءۇشىن كەدەرگىسىز ورتا قۇرۋ ءۇشىن قابىلداناتىن شارالار، سونىڭ ىشىندە قازاقستان مەملەكەت باسشىسىنىڭ قازاقستان حالقىنا «قازاقستان جولى – 2050: ءبىر ماقسات، ءبىر مۇددە، ءبىر بولاشاق» جولداۋىندا ايتىلعان مۇگەدەكتەرگە دەگەن نازاردى ارتتىرۋ جونىندەگى تاپسىرماسى اياسىندا قابىلدانعان شارالار تۋرالى حاباردار ەتتى.

ك. ديەۆانداس اگيلار وسى سالاداعى قازاقستاننىڭ تاجىريبەسىنە جانە ونى ايماقتىق ەلدەرىندە تارالۋى مۇمكىندىگىنە مۇددەلىك ءبىلدىردى.

رەسمي ساپار شەڭبەرىندە بۇۇ دەلەگاسياسى مۇگەدەكتەردى الەۋمەتتىك قورعاۋ جانە الدىن الۋ بويىنشا مەملەكەتتىك ساياساتتى جۇزەگە اسىرۋ سالاسىندا ءبىرقاتار رەسپۋبليكالىق جانە جەرگىلىكتى قۇزىرەتتى ورگاندارمەن، ازاماتتىق قوعاممەن، ۇكىمەتتىك ەمەس ۇيىمدارمەن كەزدەسىپ، ەلىمىزدە مۇمكىندىكتەرى شەكتەۋلى تۇلعالاردىڭ تەڭ قۇقىقتىلىعىن قامتاماسىز ەتۋ ماقساتىندا جاسالعان جالپى جاعدايدى تانىپ بىلەدى. وسىعان بايلانىستى مينيستر ارنايى بايانداماشىنىڭ ساپارىن قامتاماسىز ەتۋدە قولعاباس كورسەتۋگە ءوز دايىندىعىن ءبىلدىردى.

بۇۇ ارنايى بايانداماشىمەن جينالعان اقپارات باياندامادا كورسەتىلىپ بۇۇ ادام قۇقىقتارى جونىندەگى كەڭەسىنە قازاقستانعا ءتيىستى رەكومەنداسيالارمەن ۇسىنىلادى.

بۇۇ ادام قۇقىقتارى كەڭەسىنىڭ ارنايى پروسەدۋرالارى – بۇل ادام قۇقىقتارى سالاسىنداعى تاۋەلسىز ساراپشىلار ادام قۇقىقتارى سالاسىنداعى ناقتى ماسەلەلەرى بويىنشا اقپاراتتاندىرۋعا جانە كونسۋلتاسيالاندىرۋعا ۋاكىلەتتى.