ق ر يدم مالىمەتتەرى بويىنشا، بۇگىنگى تاڭدا مەملەكەت باسشىسى 2020 جىلعا دەيىن قويعان مىندەت مەرزىمىنەن بۇرىن ورىندالدى. ماسەلەن، 2015 جىلدىڭ قورىتىندىسى بويىنشا، ەلىمىزدىڭ ءجىو سىيىمدىلىعى 2008 جىلعى دەڭگەيدەن 28،2%-عا تومەندەگەن. قازىرگى ەنەرگيا ۇنەمدەۋ جۇيەسىنىڭ نەگىزى 2012—2015 جىلدارى قالاندى. تولىق نورماتيۆتىك-قۇقىقتىق بازا قالىپتاستى، ۇلتتىق دامۋ ينستيتۋتى ايقىندالدى، جاپونيا تاجىريبەسى بويىنشا ەنەرگيا ۇنەمدەۋ جۇيەسىنىڭ نەگىزگى ەلەمەنتى – مەملەكەتتىك ەنەرگەتيكالىق ءتىزىلىم جاسالدى. بۇگىندە وندا 5 مىڭنان استام ۇيىم قامتىلدى. 

2016 جىلى مەت سۋبەكتىلەرىنىڭ ەنەرگيا رەسۋرستارىن جالپى تۇتىنۋى 49 ملن توننا شارتتى وتىندى قۇرادى. بۇل ەلىمىزدىڭ جالپى ەنەرگيا تۇتىنۋىنان 38% جانە زاڭدى تۇلعالاردىڭ جالپى تۇتىنۋىنىڭ شامامەن جارتىسىن قۇرايدى.

بەكىتىلگەن جوسپارلاردى تالداۋ قورىتىندىلارى بويىنشا 2015–2016 جىلدارى مەت سۋبەكتىلەرىنىڭ ەنەرگيا ۇنەمدەۋگە 178 ملرد. تەڭگەدەن استام ينۆەستيسيا سالعانىن اتاپ وتۋگە بولادى. 2020 جىلدىڭ سوڭىنا دەيىن تاعى 200 ملرد. تەڭگەگە جۋىق قارجى ينۆەستيسيالاۋ جوسپارلانىپ وتىر.

«جەرگىلىكتى اتقارۋشى ورگانداردىڭ ەنەرگيا ۇنەمدەۋ ساياساتىن جۇزەگە اسىرۋ بويىنشا جاۋاپكەرشىلىگىن ارتتىرۋ ماقساتىندا پرەزيدەنتتىڭ 2010 جىلعى 19 ناۋرىزداعى № 954 جارلىعىمەن بەكىتىلگەن سايكەس كريتەرييلەردى ورتالىق مەملەكەتتىك جانە جەرگىلىكتى اتقارۋشى ورگانداردىڭ قىزمەتىنىڭ تيىمدىلىگىن جىل سايىنعى باعالاۋ جۇيەسىنە ەنگىزۋ ءجون دەپ سانايمىز»، – دەپ اتاپ ءوتتى ج. قاسىمبەك.

ۇلت جوسپارىنىڭ 59 قادامىن جۇزەگە اسىرۋ اياسىندا ەنەرگيا ۇنەمدەۋگە ىنتالاندىرۋ ماقساتىندا ەنەرگيا سەرۆيستىك قىزمەتتەر نارىعىن دامىتۋ جۇمىستارى جۇرگىزىلىپ جاتىر. ييدمب اياسىندا جىلۋ ۇستاعىش ماتەريالداردى، ەنەرگيا ۇنەمدەيتىن شامداردى، ەنەرگيا ءتيىمدى ەلەكتر جابدىقتارىن شىعارۋ بويىنشا ءبىرقاتار جوبالار جۇزەگە اسىرىلدى.  

تاياۋ جىلدارعا ۆەدومستۆونىڭ الدىندا ەكى ءىرى مىندەت تۇر. بىرىنشىدەن، ەنەرگيا ۇنەمدەۋگە ىنتالاندىرۋ تەتىكتەرىن كەڭەيتۋ قاجەت. ەكىنشىدەن، ەنەرگيا ۇنەمدەۋ سالاسىنداعى مەملەكەتتىك رەتتەۋ جۇيەسىن جەتىلدىرۋ كەرەك، ول جەرگىلىكتى اتقارۋشى ورگانداردىڭ ەنەرگيا ۇنەمدەۋدىڭ ايماقتىق ساياساتىن جۇزەگە اسىرۋ بويىنشا ءرولى مەن جاۋاپكەرشىلىگىن ارتتىرۋدى؛ مەملەكەتتىك باقىلاۋ تيىمدىلىگىن كوتەرۋدى قاراستىرادى.  

«جالپى، جوعارىدا اتالعان مىندەتتەردى جۇزەگە اسىرۋ ەنەرگيا ۇنەمدەيتىن تەحنولوگيالاردى ەنگىزۋگە جانە ەكونوميكانى جاڭعىرتۋعا ۇلكەن سەرپىلىس بەرەدى، ناتيجەسىندە، ءبىزدىڭ ەلىمىزدىڭ دامىعان 30 ەلدىڭ قاتارىنا ەنۋىنە جول اشادى»، – دەپ ءتۇيدى ج. قاسىمبەك.

سونىمەن قاتار وتىرىس كەزىندە اتىراۋ وبلىسىنىڭ اكىمى نۇرلان نوعايەۆ پەن اقتوبە وبلىسىنىڭ اكىمى بەردىبەك ساپاربايەۆ ءسوز سويلەدى. 

ق ر پرەمەر-مينيسترى باقىتجان ساعىنتايەۆ ەنەرگيا تيىمدىلىگى سالاسىندا قويىلعان مىندەتتەرگە قول جەتكىزۋ ءۇشىن ق ر ينۆەستيسيالار جانە دامۋ مينيسترلىگىنە ەنەرگەتيكا، اۋىل شارۋاشىلىعى مينيسترلىكتەرىمەن بىرلەسىپ، ءونىم بىرلىگىن وندىرۋدەگى ەنەرگيا تۇتىنۋ نورماتيۆتەرىن بەلگىلەۋ ماسەلەسىن پىسىقتاۋدى تاپسىردى. 

سونداي-اق ءاربىر جەكەلەگەن كاسىپورىن ءۇشىن ەنەرگيا سىيىمدىلىعىن جىل سايىن تومەندەتىپ وتىرۋ ماسەلەسىن پىسىقتاۋ جۇكتەلدى. بۇدان وزگە، ۇلتتىق ەكونوميكا مينيسترلىگىنە ق ر ينۆەستيسيالار جانە دامۋ مينيسترلىگىمەن بىرلەسىپ ەنەرگيا ۇنەمدەۋ ساياساتىن جۇزەگە اسىرۋ بويىنشا كريتەرييدى ورتالىق جانە جەرگىلىكتى اتقارۋشى ورگانداردىڭ قىزمەتىنىڭ تيىمدىلىگىن باعالاۋ جۇيەسىنە قوسۋ تاپسىرىلدى.