شەشەنستاننىڭ باسشىسى رامزان قادىروۆ پۋتينگە ميانماداعى مۇسىلماندار تۋرالى پىكىر بىلدىرگەنى ءۇشىن العىس ايتتى، - دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.

«مەن رەسەي ەلىنىڭ پرەزيدەنتى ۆلاديمير پۋتينگە ميانما ۇكىمەتىنىڭ مۇسىلماندارعا زورلىق-زومبىلىق كورسەتكەنىن ايىپتاعانى ءۇشىن ءوز ريزاشىلىعىمدى بىلدىرەمىن. مەن وسى كەزگە دەيىن بىرنەشە رەت ايتقان بولاتىنمىن، مەن ءبىزدىڭ پرەزيدەنتتىڭ ادال جاۋىنگەرىمىن، كەز-كەلگەن بۇيرىعىن دا ورىندايمىن، ءتىپتى ءوز جانىمدى قۇربان ەتۋگە بارمىن. ال كىمدە-كىم مەنىڭ ءسوزىمدى بۇرمالاپ، بەيكۇنا ادامداردىڭ ولگەنىنە بەيجاي قارايتىن بولسا ولار رۋحاني تۇرعىدان قۇلدىراپ بارا جاتىر.تاعى دا ايتا كەتەيىن، مەن ءۇشىن ءدىن ۇنەمى ءبىرىنشى ورىندا تۇرادى جانە سولاي بولىپ قالا بەرەدى. مەن بۇل ومىردە اللادان عانا قورقامىن. مەنىڭ بارلىق ىس-ارەكەتىم دىنمەن تىكەلەي بايلانىستى جانە بارلىق ءدىني تالاپتاردى ورىندايتىن مۇسىلماننىڭ ءىسى بولىپ تابىلادى.

كومەككە مۇقتاج ادامدارعا قول ۇشىن سوزۋ مەنىڭ مۇسىلماندىق پارىزىم. سونىمەن بىرگە ادىلەتسىزدىكپەن كۇرەسۋگە دە مىندەتتىمىن»، - دەيدى رامزان قادىروۆ.

رامزان قادىروۆ قاراپايىم ادامدار ۇنەمى ساياسي ويىننىڭ قۇربانى بولاتىنىن، ال ويىندى جۇرگىزەتىن ساياسي قايراتكەرلەر ەكەنىن  دە  ەسكەرتتى.

ايتا كەتەتىن بولساق، رەسەي پرەزيدەنتى ميانمادا بولعان گەنوسيدكە قاتىستى قارسى پىكىر بىلدىرگەن بولاتىن.  پۋتين مىسىر ەلىنىڭ پرەزيدەنتى ابدەلەم فاتتاحوم اس-سيسيمەن كەزدەسۋ كەزىندە منماداعى مۇسىلماندارعا قارسى زورلىق-زومبىلىقتى ايىپتادى.  ءپۋتيننىڭ بۇل كوزقاراسىن مىسىر پرەزيدەنتى دە قولداعان ەدى.