جەتىسۋ جەرىندە العاش رەت "QazTalks - اشىق اڭگىمە الاڭى" شاراسى ءوتتى. ءىس-شاراعا تانىمال ساياساتتانۋشى ساياسات نۇربەك، «ساكرالدى قازاقستان» عىلىمي-زەرتتەۋ ورتالىعىنىڭ باسشىسى بەرىك ءابدىعالي، فيلولوگيا عىلىمدارىنىڭ دوكتورى، پروفەسسور ەردەن قاجىبەك، "ايتۋعا وڭاي" توك-شوۋىنىڭ جۇرگىزۋشىسى بەيسەن قۇرانبەك جانە بەلگىلى جۋرناليست ەسبولات ايدابوسىن قاتىستى.

ايتا كەتەيىك، شارا ۇيىمداستىرۋشىلارى - الماتى وبلىسىنىڭ ىشكى ساياسات باسقارماسى جانە ورتالىق كوممۋنيكاسيالار قىزمەتى. جوباسىنىڭ ماقساتى ەلباسى ن. ءا. نازاربايەۆتىڭ "بولاشاققا باعدار: رۋحاني جاڭعىرۋ" اتتى ماقالاسىندا كورسەتىلگەن مىندەتتەردىڭ ىسكە اسىرىلۋى بويىنشا، تاجىريبەسى مول تۇلعالاردى توپتاستىرىپ، سولاردىڭ ساليقالى ويلارى، سالماقتى پىكىرلەرى مەن ۇزدىك يدەيالارىن بارشاعا جەتكىزۋ.

"QazTalks" الاڭىندا قوعامدىق قۇندىلىقتار تۋرالى ساياسات نۇربەك ءسوز قوزعادى. ونىڭ ايتۋىنشا بۇگىنگى تاڭدا ەكونوميكا سالاسى بويىنشا ءجيى وزگەرىسكە ۇشىراپ وتىرعان ەكى فاكتور بار. ءبىرى -  جالپى قۇندىلىقتار. ەكىنشىسى - ينستيتۋتتار.

"قۇندىلىقتار سالاسى بويىنشا كوپتەگەن زەرتتەۋلەر جۇرگىزىلگەن. سونىڭ ءبىرى ءبىزدىڭ ەلىمىزگە ساي جاسالعان امەريكاندىق عالىم رونالد ينگلحاردىڭ جۇمىسى. ول 1981 جىلدان باستاپ "World Values Survey" دەپ اتالاتىن ءتۇرلى حالىقارالىق زەرتتەۋلەر جۇرگىزگەن. وتىز جىل كولەمىندە، 105 ەلدە تاجىريبەسىن وتكىزگەن. اتالعان ءادىس بويىنشا 2014 جىلدان باستاپ الەۋمەتتىك زەرتتەۋلەر 18 جاستان اسقان 1600 ادامدى قامتيتىن اۋىل جانە قالا تۇرعىندارىنان قۇرالعان زەرتتەۋ جۇمىستارى باستالدى. قورىتىندىلاي كەلە، قازاقستاندىقتار ءۇشىن دەنساۋلىق 75،3 پايىز، بالالار 54،2 پايىز، قاۋىپسىزدىك 44،7 پايىز، ماتەريالدىق جاعداي 40،9 پايىز جانە ماحاببات ماسەلەسى 35،6 پايىز قۇرايدى ەكەن. ەسكەرە كەتەتىن تاعى ءبىر جايت ءداستۇرىمىزدى، ءتىلىمىز بەن ءدىنىمىزدى ساقتاي وتىرا، كەلەشەكتە ەكونوميكالىق دامىعان ەلگە اينالۋ"، - دەدى ساياسات نۇربەك.