تەمىرتاۋدا شاعىن نەسيە بەرەتىن مەكەمەگە قاراقشىلىق شابۋىل جاساعان كۇدىكتى بەس جىلدان ون جىلعا دەيىن باس بوستاندىعىنان ايىرىلۋى مۇمكىن، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساي وتىرىپ.  قىلمىستىق ءىس جالعاسىپ جاتىر. كۇدىكتى قاماۋعا الىندى.

تەمىرتاۋ قالالىق سوتى 30 جاستاعى كۇدىكتىگە قاتىستى بۇلتارتپاۋ شاراسىن قولدانۋعا ۇكىم شىعاردى.  "قىلمىستىق قۋدالاۋ ورگانىمەن تەمىرتاۋ قالاسىنىڭ 30 جاستاعى تۇرعىنى ق ر قىلمىستىق كودەكسىنىڭ 192-بابى 2 بولىگى ("قاراقشىلىق") بويىنشا كۇدىكتى دەپ تانىلدى. سوت كۇدىكتىگە قاتىستى ەكى ايعا قاماۋعا الۋ تۋرالى ۇكىم شىعاردى"، - دەدى سوت وكىلدەرى. 

ەسكە سالايىق، 27 تامىزدا تەمىرتاۋداعى تانىمال شاعىن نەسيە بەرەتىن مەكەمەگە قاراقشىلىق شابۋىل جاسالعان بولاتىن. ەر ادامنىڭ ارەكەتى ۆيدەوعا ءتۇسىپ قالعان. كاسساشى قىزبەن ءسال تىلدەسكەننەن كەيىن ول تەرەزەنى شاعىپ، كاسساعا كىرىپ كەتەدى. سوسىن ەر ادام 174 000 تەڭگەنى الىپ، شىعۋعا اسىعادى. قىز ونى توقتاتپاقشى بولادى. الايدا ەر ادام جەڭىنەن ۇلكەن پىشاق الىپ شىعىپ، قورقىتا باستايدى. جەدەل تەرگەۋ شارالارى بارىسىندا كۇدىكتى ۇستالعان.