استانا قالاسىنداعى ەكسپو-2017 حالىقارالىق كورمەسى ماڭىندا قازاقستاننىڭ گيننەس رەكوردتار كىتابىندا كەۋدەنى جەردەن كوتەرۋ سپورتى بويىنشا بەس دۇركىن رەكوردشى، سونداي-اق دەنەنى ءبىرقالىپتا ۇستاۋ بويىنشا الەمدىك رەكوردسمەنى اتاعىنىڭ يەگەرى ءامىر ماحمەت شولمەكتەردە 53 جاتتىعۋ جاساپ، جاڭا الەمدىك رەكورد ورناتتى، دەپ حابارلايدى Qamshy.kz اقپارات اگەنتتىگى اقمولا وبلىسى ىشكى ساياسات باسقارماسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

بۇل رەكوردتى قازاقستاننىڭ رەكوردتار كىتابىنىڭ وكىلى شىڭعىس قۇدايبەرگەنوۆ تىركەدى.

فيزيكالىق جاتتىعۋلار سپورتشى دەنەسى مەن جاتتىعۋ قۇرالدارىنىڭ اراسىنداعى تەڭگەرىمدى قولداۋدا كۇردەلى بولىپ كەلەدى. ال ءامىر ءوزىنىڭ رەكوردىن ءبىلىم كۇنى بارلىق وقۋشىلارعا ارناپ، ولارعا جاڭا وقۋ جىلىندا جاقسى وقۋدى جانە سالاۋاتتى ءومىر سالتىن ۇستانۋدى تىلەدى.

ايتا كەتەيىك، ءامىر اتى اڭىزعا اينالعان بالۋان قاجىمۇقان مۇڭايتپاسوۆتىڭ ەلى اقمولا وبلىسى، سەلينوگراد اۋدانى، قاجىمۇقان اۋىلىندا تۇرادى.