رەسمي دەرەكتەرگە سايكەس، ميانمادا 400-گە جۋىق ادام كوز جۇمعان. ميانماداعى روحيندجا مۇسىلماندارى ءتۇرلى ازاپتاۋلاردان كوز جۇمدى، ەلدەن قاشۋعا ءماجبۇر بولدى. وسىعان قاتىستى قمدب نەگە ءۇنسىز دەگەندەر دە بولدى. بۇل تۋرالى Qamshy.kz-تە ماتەريال جاريالاعان ەدى.
جاقىندا قمدب ميانمادا ورىن العان قايعىلى وقيعاعا بايلانىستى قاتتى الاڭداۋشىلىق بىلدىرەتىنىن جەتكىزدى.
جەرگىلىكتى تۇرعىندارعا جاسالعان قاسىرەتتى قاتاڭ ايىپتايدى دەپ حابارلايدى اقپارات اگەنتتىگى قمدب باسپا ءسوز قىزمەتىنە سىلتەمە جاساپ.
400-دەن استام ادامنىڭ ءومىرىن قىرشىننان قيعان قاسىرەتتى وقيعا الەمنىڭ ءار تۇكپىرىندەگى مۇسىلمان جۇرتىنىڭ عانا ەمەس بارشا ادامزاتتىڭ الاڭداۋشىلىعىن تۋدىرۋدا.
اللا تاعالا قاسيەتتى قۇراندا: «جازىقسىز ءبىر ادامنىڭ قانىن توگۋ – جەر بەتىندەگى بۇكىل ادامدى ولتىرگەنمەن بىردەي»، – دەپ ەسكەرتكەن. اللانىڭ كۇللى ادامزاتقا جىبەرگەن بۇل اشىق ەسكەرتۋىن ۇمىتپاۋىمىز كەرەك.
جاراتۋشى يەمىز بارشا ادامزات بالاسىنا مەيىرىم-شاپاعات، بەيبىت ءومىر، ىنتىماق، سابىر بەرسىن!
