بۇرىنعى پرەمەر-مينيستر سەرىك احمەتوۆتى باس بوستاندىعىنان ايىرۋ جازاسىن باس بوستاندىعىن شەكتەۋ جازاسىنا اۋىستىرادى دەپ حابارلايدى Qamshy.kz اقپارات اگەنتتىگى Today.kz-كە سىلتەمە جاساپ.

«21 قىركۇيەكتە زاڭدى كۇشىنە ەنەدى. وسىدان كەيىن ول بوستاندىققا شىعادى. نەلىكتەن شىعارادى دەگەنگە كەلەتىن بولساق، ول 159/18 كولونياسىندا ءوزىن جاقسى قىرىنان كورسەتە ءبىلدى. كەلتىرگەن شىعىندى تولىق وتەدى» دەدى دەرەك كوزى Today.kz تىلشىسىنە.

ەستەرىڭىزگە سالا كەتەيىك، 1 ساۋىردە اۋداندىق سوت بەس شەنەۋنىككە قاتىستى شەشىم شىعاردى. سوت جاۋاپقا تارتىلعانداردى 17 ميلليون 310 تەڭگە كولەمىندە شىعىندى وتەۋدى مىندەتتەدى.

2017 جىلدىڭ 29 ساۋىرىندە بۇرىنعى پرەمەر-مينيستر سەرىك احمەتوۆ پەن 4 شەنەۋنىك 17 ميلليون تەڭگە كولەمىندە ماتەريالدىق شىعىن تالابىن قاناعاتتاندىرۋ شەشىمى بويىنشا قاراعاندى وبلىستىق سوتقا اپەللياسيالىق شاعىم ءتۇسىردى.

1 شىلدەدە اپەللياسيالىق سوت القاسى سوت شەشىمىن ەش وزگەرىسسىز قالدىردى. احمەتوۆ جانە 4 شەنەۋنىك ەلگە 17 ميلليون تەڭگە قارىز بولىپ قالدى.