استانا قالاسىنداعى كورمە الەمنىڭ بارلىق مەملەكەتتەرى مەن ايماقتارى ءۇشىن ءىرى ەكونوميكالىق الەۋەت جانە ماڭىزدى ءىس-شارا بولىپ تابىلادى. ەكسپو-2017 كورمەسى ىسكەرلىك توپتار مەن حالىقارالىق دەڭگەيدەگى ۇيىمدار اراسىندا ىنتىماقتاستىقتىڭ نىعايۋىنا ىقپال ەتەدى. بۇل تۋرالى ءىس-شارا بارىسىندا ءور پرەزيدەنتىنىڭ مەملەكەتتىك كەڭەسشىسى، وزبەكستان جاستار وداعى ورتالىق كەڭەسىنىڭ ءتوراعاسى كاحرامون كۋرانبايەۆ مالىمدەدى. ونىڭ ايتۋىنشا، وزبەكستان مەملەكەتى ساياسي، ساۋدا-ەكونوميكالىق، ينۆەستيسيالىق، كولىك-كوممۋنيكاسيالىق، مادەني-گۋمانيتارلىق جانە ەنەرگەتيكا سالالارىندا بولاشاق دامۋ بويىنشا قازاقستان رەسپۋبليكاسىمەن ەكىجاقتى ىنتىماقتاستىقتىڭ نىعايۋىنا ۇلكەن ءمان بەرەدى دەپ حابارلايدى Qamshy.kz اقپارات اگەنتتىگى.
كاحرامون كۋرانبايەۆ: «وسىنداي اۋقىمدى ءىس-شاراعا قاتىسۋ ەۋروپا مەن ازيا، باتىس پەن شىعىس ارالىعىندا ديالوگتىق سەرىكتەستىكتىڭ نىعايۋىنا تاعى ءبىر قادام بولىپ تابىلادى. ەكسپو-2017 كورمەسى ەنەرگەتيكا سالاسىنداعى عىلىمي-تەحنيكالىق ازىرلەمەلەر مەن وزىق ەنەرگيا ۇنەمدەيتىن تەحنولوگيالار زەرتتەمەلەرىن ورناتۋ جانە وسى سالاداعى باسىم باعىتتاردى جۇزەگە اسىرۋ بويىنشا «جاسىل ەنەرگيانىڭ» جاعىمدى بەينەسىن نىعايتۋعا مۇمكىندىك بەرەدى»، - دەپ اتاپ ءوتتى.
قازاقستان رەسپۋبليكاسى ۇلتتىق ەكونوميكاسىنىڭ ءبىرىنشى ۆيسە-مينيسترى رۋسلان دالەنوۆ ءوز كەزەگىندە قازاقستان ءۇشىن وزبەكستان رەسپۋبليكاسىنىڭ سوڭعى جىلدارى ەكونوميكانىڭ ەنەرگيا مەن رەسۋرستار سىيىمدىلىعىن تومەندەتۋ، ەنەرگيا ۇنەمدەيتىن تەحنولوگيالارىنىڭ ءوندىرىسى مەن ەڭبەك ونىمدىلىگىن ارتتىرۋ ءۇشىن قولدانعان ءبىرقاتار شارالارىنا ەرەكشە قىزىعۋشىلىعىن تانىتاتىنىن حابارلادى.
«بولاشاق ەنەرگياسى» ەكسپو-2017 تاقىرىبى وزبەكستاننىڭ 2017-2021 جىلدار ارالىعاندا جاڭارتىلاتىن ەنەرگەتيكانىڭ الداعى دامۋى، ەكونوميكا جانە الەۋمەتتىك سالالارىندا ەنەرگيا تيىمدىلىگىن كوتەرۋ بويىنشا باعدارلامالارىنىڭ جۇزەگە اسۋىمەن تىعىز بايلانىستى. ەرەكشە بيو-موبيل سياقتى سوڭعى يننوۆاسيالىق ازىرلەمەلەردى ۇسىناتىن وزبەكستان ۇلتتىق پاۆيلونى بىرەگەي بولىپ تابىلادى»، - دەدى ق ر ۇلتتىق ەكونوميكاسىنىڭ ءبىرىنشى ۆيسە-مينيسترى
وزبەكستان ەكسپو-2017 كورمەسىنە «جاستار - بولاشاق ەنەرگياسى» ۇرانىمەن قاتىسادى. وزبەكستان جاستارىنىڭ تازا ەنەرگيا جانە ەكولوگيا، رەسۋرستاردى ءتيىمدى قولدانۋ ماسەلەلەرىن شەشۋگە بەلسەندى قاتىسۋى وعان ايقىن دالەل بولا الادى. رەسپۋبليكا حالىق سانىنىڭ 64 پايىزدان استامىن 30 جاسقا دەيىنگى جاستار قۇرايدى. ءور پرەزيدەنتىنىڭ مەملەكەتتىك كەڭەسشىسى كاحرامون كۋرانبايەۆ اتاپ وتكەندەي، ەلدىڭ دامۋىنا ىقپال ەتەتىن بۇل ادامي الەۋەتتى قادىرلەۋ كەرەك.
