1 قىركۇيەكتە قازاقستان رەسپۋبليكاسىنىڭ ورتالىق سايلاۋ كوميسسياسىنىڭ رەسپۋبليكانىڭ بارلىق وڭىرلەرى ءۇشىن ەلەكتوراتتىق وقىتۋدىڭ 150 ترەنەرىن دايارلاۋ جونىندەگى جوباسى باستالدى دەپ حابارلايدى Qamshy.kz اقپارات اگەنتتىگى. وقىتۋ سەمينارى بارلىق دەڭگەيدەگى سايلاۋ كوميسسيالارىنىڭ كادرلارىن جانە سايلاۋ پروسەسىنىڭ باسقا دا ۇيىمداستىرۋشىلارىن ودان ءارى وقىتۋدى جۇزەگە اسىرۋ ءۇشىن ترەنەرلىك كورپۋستى كاسىبي دايارلاۋعا باعىتتالعان.
سەمينار ەكى كەزەڭدە تىكەلەي-قاشىقتىق نىساندا وقىتۋدىڭ جانە ءبىلىمىن باعالاۋدىڭ زاماناۋي ينتەراكتيۆتىك ادىستەرىن قولدانۋ ارقىلى ۇيىمداستىرىلدى. قاشىقتىق كەزەڭ قىركۇيەك ايى بويى ءوتىپ، رەسپۋبليكانىڭ سايلاۋ جۇيەسىنىڭ قولدانىستاعى زاڭنامالارىنىڭ نەگىزىن زەردەلەۋگە ارنالادى.
«ورتسايلاۋكومنىڭ باسىمدى باعىتتارىنىڭ ءبىرى رەتىندە، ءبىز رەسپۋبليكالىق دەڭگەيدەن جەرگىلىكتى دەڭگەيگە دەيىنگى سايلاۋ كوميسسيالارى كادرلارىنىڭ كاسىبي بىلىكتىلىگىن ارتتىرۋ دەپ ويلايمىز. ەلەكتوراتتىق وقىتۋدىڭ 150 ترەنەرىن دايارلاۋ جوباسى - سايلاۋ كوميسسيالارىنىڭ مۇشەلەرىن جۇيەلى ۇيىمداستىرۋ جونىندەگى العاشقى قادام. وڭىرلىك سايلاۋ كوميسسيالارىنداعى ارىپتەستەرىمىزدىڭ كاسىبي دەڭگەيىنە جاڭا تالاپتار قويىلادى.
ترەنەرلەردىڭ باستى مىندەتى - سايلاۋ پروسەسىن دۇرىس ۇيىمداستىرۋدىڭ نەگىزدەرىنە ۇيرەتۋ، وزدەرىنىڭ مىندەتتەرى مەن جاۋاپكەرشىلىك دەڭگەيىن ايقىن ءتۇسىنۋ»، - دەپ اتاپ ءوتتى ورتالىق سايلاۋ كوميسسياسىنىڭ حاتشىسى ءسابيلا ساپار قىزى مۇستافينا.
