2017 جىلدىڭ 6 قىركۇيەگىندە «ەكسپو-2017» حالىقارالىق ماماندىرىلعان كورمەسىن ق ر ۇلتتىق ۇلانى 3660 اسكەري ءبولىمىنىڭ 200-دەن استام جاۋىنگەرى كەلىپ تاماشالادى دەپ حابارلايدى Qamshy.kz اقپارات اگەنتتىگى. كەشەگى ىشكى اسكەر،بۇگىنگى ۇلتتىق ۇلان  ەل تاۋەلسىزدىگىنىڭ العاشقى كۇنىنەن باستاپ، تۇراقتىلىق پەن تىنىشتىقتىڭ سەنىمدى كۇزەتىندە تۇر. قۇقىقتىق ءتارتىپ اسكەرى- ءتارتىپ پەن زاڭدىلىقتىڭ، كونستيتۋسيالىق قۇرىلىمنىڭ مىزعىماس قورعاۋشىسى بولا بەرمەك.

ۇلاندىقتاردىڭ قاتارىن تولىقتىرعان جاس جاۋىنگەرلەر وتان الدىنداعى قاسيەتتى بورىشىن وتەۋ ءۇشىن استانا قالاسىنا ەلىمىزدىڭ ءار وڭىرىنەن شاقىرىلعان. قاسيەتتى قىزمەتتىڭ ارقاسىندا استانا كوشەلەرىن قورعاۋمەن قاتار، مەملەكەت كولەمىندەگى ماڭىزدى شارا – «ەكسپو-2017» حالىقارالىق كورمەسىن كورىپ قايتۋعا مۇمكىندىك الدى.

- مەن الەم كولەمىندەگى وسىنداي كورمەنى كورگەنىمە قۋانىشتىمىن. بۇل جەردە «بولاشق ەنەرگياسى» باعىتىندا ءار ەلدىڭ اياق الىسن بايقاپ كورۋگە بولادى.  ەڭ ۇلكەن اسكەر قالدىرعان جاپونيا، جۇڭگو، اقش جانە رەسەي ەلدەرىنىڭ پاۆيليوندارى بولدى. بارلىعىنان بۇرىن ۇلكەن سفەرا ءپىشىندى بولعان ءوزىمىزدىڭ «نۇر الەم» پاۆيليونى قاتتى ۇنادى. وسىنداي كەڭ كولەمدى شارانى وتكىزىپ جاتقان ەلدى قورعاۋ مەن ءۇشىن ۇلكەن ابىروي،- دەدى قاتارداعى جاۋىنگەر باقداۋلەت نۇرمان.

ايتىپ ءوتۋ كەرەك، بۇل كورمە باسشىلىعىنىڭ قولداۋىمەن مۇمكىن بولدى. ەندى، وتان الدىندعى بورىشىن وتەپ شىعاتىن جاۋىنگەرلەر اسكەردىڭ تەمىردەي تارتىبىمەن قاتار، وزدەرىمەن بىرگە «ەكسپو-2017» كورمەسى تۋرالى ەستەلىكتەردى الىپ قايتاتىن بولادى.