"حالىق كوممۋنيستەرى" دەپۋتاتتار فراكسياسى دەپۋتاتى يرينا سميرنوۆانىڭ پىكىرىنشە، وقۋلىق ادەبي ورىس تىلىندە جازىلۋى ءتيىس.
"البەتتە، باسقا دا سويلەۋ فورماسىن كورسەتكەن ءجون، ءبىراق ءبىلىم مينيسترلىگى بۇگىن ۇسىنىپ وتىرعان وقۋلىق ەشقانداي سىنعا توزبەيدى.ءوز باسىم، مىسالى ءۇشىن، بومجدارعا ارنالعان تاقىرىپتىڭ وقىتىلۋىنا قارسىمىن. بۇل ءسوز ءبىزدىڭ تىلىمىزگە جات. ادامنىڭ ءومىرىن وقىتۋ بارىسىندا بۇل ءسوزدى قولدانۋ، ادامدى سىيلاماۋمەن تەڭ"، — دەيدى دەپۋتات.
"اليسا ۆ سترانە چۋدەس" ەرتەگىسى ماجىلىسمەننىڭ كوڭىلىنە كەلمەگەن سياقتى.
"مۇنداي ەرتەگى ءتىلدى ءوزىمىز بىلەتىن سوزدەردەن بولەك تۇسىنۋگە مۇمكىندىك بەرەدى. بۇل ماتەماتيكاداعى X پەن Y سياقتى. ءبىراق قالعان جايتتار كوكەيىمىزدە كوپتەگەن ساۋالدار تۋىنداتتى، كوپشىلىككە ۇعىنىقسىز. قانشاما سۇراقتار تۋىنداعاندا، ءبىلىم ءمينيسترلىنى ارەكەتىنىڭ دۇرىس-بۇرىستىعى جايلى ويلانۋى ءتيىس. بالكىم، وسىنداي وقۋلىق شىعارىپ، قاتەلىك جاساعان شىعار؟ ەندى بۇل وقۋلىقتى قولدانۋعا ءماجبۇر، سەبەبى ول جالعىز نەگىزگى وقۋلىق"، — دەيدى ول.
ونىڭ ايتۋىنشا، بۇل كىتاپتار ءتورت جىل قولدانىستا بولادى.
"وعان كوپ مولشەردە مەملەكەتتىك بيۋدجەت قاراجاتى جۇمسالعان. ويتكەنى وقۋلىقتىڭ باعاسى ءۇش مىڭ تەڭگەدەن اسادى. بۇل ەلىمىز ءۇشىن تىم كوپ"، — دەپ سانايدى سميرنوۆا.
"نۇر وتان" پارتياسى دەپۋتاتى باحتيار ماكەننىڭ ايتۋىنشا، جاڭا قازاقستاندىق وقۋلىقتار قانداي دا ءبىر رەسەيلىك ۇيعارىمعا ساي شىعارىلۋدا، بۇل ۇلتتىق قاۋىپسىزدىككە ءقاۋىپ توندىرەدى.
"مەنىڭشە، بۇل دۇرىس ەمەس. كىتاپتار شىعارىلعان كەزدە، ولاردى تەكسەرەتىن ارنايى كوميسسيا بار. قانشاما قاراجات بولىنەدى، ەندى سول كەتكەن اقشا وتەلۋى ءتيىس. وسىعان جول بەرگەن ادامدار وتەۋى ءتيىس. بۇل جايتتىڭ ۇلتتىق قاۋىپسىزدىك ماسەلەسى ەكەنىن تۇسىنۋلەرى كەرەك. بۇل ماسەلە ءالى كوتەرىلەتىن بولادى. قانداي دا ءبىر شەشىمگە كەلەمىز دەپ ويلايمىن"، — دەپ ءسوزىن تۇيىندەدى دەپۋتات.
