اقمولا وبلىسىندا كۇن كۇركىرەپ، قاتتى جەل سوعۋى سالدارىنان، تابيعي ءورت شىعىپ، ءورت ءسوندىرۋدىڭ قيىندىعىنا بايلانىستى ءورت سوندىرۋشىلەر ورماننىڭ باسىم بولىگىن ساقتاپ قالۋ ماقساتىندا ءبىر بولىگىن قۇربان ەتۋگە شەشىم قابىلدادى، دەپ حابارلايدى Qamshy.kz اقپارات اگەنتتىگى  قازاقستان ءىىم توتەنشە جاعدايلار جونىندەگى كوميتەتتىڭ مالىمەتىنە سۇيەنىپ.

ءورت 5 قىركۇيەكتە تۇستەن كەيىن قۇزعان ورمان شارۋاشىلىعى "كەنەسسكوە" ورمان قوجالىعى اۋماعىندا شىققان. كۇن كۇركىرەپ، نايزاعاي ويناۋى سالدارىنان، قۇرعاق ءشوپ تۇتانىپ، جالىن ورمان ءماسسيۆىن الىپ كەتكەن. قاتتى جەل ءورتتىڭ ودان سايىن لاۋلاپ جانۋىنا سەبەپ بولادى. ورمان كۇزەتى جۇمىسشىلارىنا كومەككە اقمولا وبلىسى توتەنشە جاعدايلار جونىندەگى دەپارتامەنتىنىڭ كۇشتەرى كەلەدى.

ءوڭىردىڭ توتەنشە جاعدايلار جونىندەگى دەپارتامەنتى باسشىسى الەكسەي سوۆەتوۆتىڭ ءوزى ءورتتى سوندىرۋگە باسشىلىق جاسادى.

تەز ارادا شارا قولدانىلىپ، ءتىلسىز جاۋ شەڭبەرمەن قورشالىپ، ءسوندىرىلدى. 

ءورتتىڭ باستاپقى اۋماعى 40 گا ورماندى قۇرايدى.