اقتوبەدە جۇڭگو كومپانياسىندا جۇمىس ىستەيتىن قازاقستاندىق ازامات سوققىعا جىعىلعانىن مالىمدەدى، دەپ جازادى Qamshy.kz اقپارات اگەنتتىگى. بۇل تۋرالى «الاش جولى» جالپىحالىقتىق قوزعالىسى» رەسپۋبليكالىق قوعامدىق بىرلەستىگىنىڭ باسقارما مۇشەسى ماقسات ءىلياس ۇلى ءوزىنىڭ فەيسبۋكتەگى پاراقشاسىندا حابارلادى.

ماقسات ءىلياس ۇلىنىڭ مالىمەتىنە سۇيەنسەك، اقتوبە وبلىسىنىڭ مۇعالجار اۋدانى «جاڭاجول» ۆاحتالىق اۋىلىندا ورنالاسقان قىتايدىڭ «يمپەك سەرۆيس» جاۋاپكەرشىلىگى شەكتەۋلى سەرىكتەستىگىنىڭ (اتاۋى ناقتى بولماۋى مۇمكىن) جۇمىس الاڭىندا يۋي گە بين اتتى جۇڭگو ازاماتى سول جەردە بىرگە جۇمىس ىستەيتىن 1978 جىلى تۋعان مۇرات مۋسا اتتى قازاقستان ازاماتىن سوققىعا جىققان. بۇل تۋرالى قوعام بەلسەندىسىنە اقتوبەلىك بىرنەشە ازامات حابارلاسىپ ايتقان.

مۇرات مۋسا 24 تامىز كۇنى اقتوبە وبلىستىق اۋرۋحاناسىنىڭ نەيروحيرۋرگيا بولىمىنە تۇسكەن. مۇرات مۋسانىڭ ايتىسىنا قاراعاندا ونىڭ ميى شايقالعان.

اتالعان جاعداي بويىنشا 27 تامىز كۇنى ق ر قىلمىستىق كودەكسىنىڭ دەنساۋلىققا قاساقانا اۋىر زيان كەلتiرۋ جونىندەگى 106- بابى بويىنشا قىلمىستىق ءىس قوزعالعان.

بۇگىندە اقتوبە وبلىسىنىڭ مۇعالجار اۋدانى ىشكى ىستەر ءبولىمىنىڭ اعا تەرگەۋشىسى سىرىم ايتىمبەتوۆ تەرگەۋ امالدارىن جۇرگىزۋدە.

ايتا كەتەيىك، مۇرات مۋسانىڭ قورعاۋشىسى اقتوبە وبلىستىق ادۆوكاتتار القاسىنىڭ ادۆوكاتى ساعىمباي قوڭىربايەۆ.

مۇرات مۋسا جەرگىلىكتى مەديسينا قىزمەتكەرلەرىنىڭ وزىنە قويىلعان دياگنوز تۋرالى اقپاراتتى بەرمەي وتىرعانىن ايتتى.

ال تەرگەۋشى مۇرات مۋسانىڭ باسىنا سوققى تيگەنىنىڭ ناقتى ايعاقتارىنىڭ جوق ەكەنىن ايتۋدا. سونىمەن بىرگە ارنايى مەديسينالىق ساراپتاۋدىڭ قورىتىندىسىن كۇتىپ وتىرعانىن باياندادى.

«بۇل جاعدايدىڭ تۇسىنىكسىز تۇستارى كوپ بولىپ تۇر. سوندىقتان، ماسەلەنىڭ ءمان جايىن بىلۋگە قول ۇشىن بەرەتىن اقتوبەلىك ازاماتتار، بەلسەندىلەر، جۋرناليستەر بولسا كومەكتەسىڭىزدەر.

مۇرات مۋسانىڭ وزىمەن، ادۆوكاتى ساعىمباي قوڭىربايەۆپەن جانە تەرگەۋشى سىرىم ايتىمبەتوۆپەن تىكەلەي تەلەفون ارقىلى سويلەستىم. ادامداردىڭ، مەكەمەلەردىڭ اتاۋى دۇرىس جازىلماعان بولسا، كەشىرىم سۇرايمىن»، – دەدى ماقسات ءىلياس ۇلى.