اقتوبە وبلىسىنىڭ ايتەكە بي اۋدانىنا قاراستى سۇلۋكول اۋىلىنا جاقىن دالادا بولعان ورتتەن ەكى ادام قازا تاپتى دەپ حابارلايدى Qamshy.kz اقپارات اگەنتتىگى وبلىستىق ىشكى ىستەر دەپارتامەنتىنىڭ باسپا ءسوز قىزمەتىنىڭ مالىمەتىنە سۇيەنىپ.
دەپارتامەنت اقپاراتىنا قاراعاندا، ءورت 4 قىركۇيەكتە بولعان. ءورت ءسوندىرۋ كەزىندە ءۇش ادامدى ءورت شالىپ، ونىڭ ءبىرى - اۋداننىڭ 41 جاستاعى تۇرعىنى وقيعا ورنىندا قازا تاپقان. ونىڭ ءمايىتى ءورت سوندىرىلگەننەن كەيىن تابىلعان.
دەنەسىن ءتۇرلى دارەجەدە كۇيىك شالعان ەكى ەر ادام اۋرۋحاناعا تۇسكەن. ولاردىڭ ءبىرى - اۋداننىڭ 39 جاستاعى تۇرعىنى 5 قىركۇيەكتە كوز جۇمعان.
وبلىس اكىمدىگىنىڭ حابارلاۋىنشا، ءورت بولعان جەردە قازا تاپقان 41 جاستاعى تۇرعىن - سەلولىق وكرۋگ اكىمى باتىربەك بىرلەپەسوۆ. اۋرۋحانادا كوز جۇمعان 39 جاستاعى ازامات - سۇلۋكول اۋىلىنداعى مەكتەپ ءمۇعالىمى جولدىبەك ءابدىسالاموۆ.
زارداپ شەككەن ءۇشىنشى ادامنىڭ ءحالى اۋىر دەپ باعالانىپ وتىر.
ءقازىر وقيعا بويىنشا ساراپتاما تاعايىندالىپ، قىلمىستىق كودەكستىڭ 292-بابىنىڭ 2-بولىمىمەن ("ءورت قاۋىپسىزدىگى تالاپتارىن بۇزۋ") سوتالدى تەرگەۋ باستالعان.
