ساۋد ارابياسىنىڭ سىرتقى ىستەر ءمينيسترى ادەل ال-دجۋبەير 5 قىركۇيەكتە يراننىڭ وتكەن اپتادا قاجىلىق اياقتالعان سوڭ ەكى ەل اراسىنداعى قارىم-قاتىناسيى جاقسارتۋ تۋرالى ۇسىنىسىن قابىلداعان جوق، دەپ جازادى Qamshy.kz اقپارات اگەنتتىگى.

«ەگەر يران ساۋد ارابياسىمەن قارىم-قاتىناسىن جاقسارتقىسى كەلسە، ءوزىنىڭ ساياساتىن وزگەرتسىن. ول حالىقارالىق قۇقىقتى قۇرمەتتەۋى ءتيىس»، – دەدى ال-دجەيبۋر لوندوندا وتكەن پرەسس-كونفەرەنسيادا.

يراندىق شەنەۋنىك، تەگەرانداعى قاجىلىققا بارۋ شاراسىن ۇيىمداستىرۋشى قۇرىلىمنىڭ باسشىسى ءالي عازي-اسكار قاجىلىقتىڭ ءساتتى اياقتالعانى ءۇشىن ساۋد ارابياسىنا العىسىن ءبىلدىرىپ، وزگە دە ماسەلەلەر بويىنشا كەلىسسوزدەرگە جول اشۋدى ۇسىنعان. عازي-اسكاردىڭ ايتۋىنشا، ەكىجاقتى قارىم-قاتىناستاردى وزگە دە سالالار اياسىندا جاقسارتۋعا مۇمكىندىك تۋدى.

يراندىق اقپارات اگەنتتىگىنىڭ مالىمەتىنشە، يران سىرتقى ىستەر ءمينيسترى موحامماد دجاۆادا زاريف قاجىلىق اياقتالعان سوڭ ەكى ەل اراسىندا ديپلوماتيالىق ءىس-ساپارلاردىڭ بولاتىنىن ايقان.

ءوز كەزەگىندە ال-دجۋبەير ءزاريفتىڭ ايتقانىن «كۇلكىلى» دەپ، ساۋد ارابياسىنىڭ يرانمەن تىعىز قارىم-قاتىناس ورناتۋىنا ەشقانداي سەبەپ كورىپ تۇرماعانىن ءمالىم ەتتى.