شەتەلدىڭ ۇرەيىن ۇشىرعان «يرما» داۋىلى كاريب تەڭىزىندەگى باربۋدا ارالىنا جەتتى. مۇندا شامامەن ءبىر جارىم مىڭداي ادام تۇرادى. ۇيىتقي سوققان جەلدىڭ ەكپىنى ساعاتىنا 300 شاقىرىمعا دەيىن جەتكەن. بۇل تۋرالى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ حابارلايدى. 

سينوپتيكتەر بولجامىنشا، الاپات داۋىل پۋەرتو-ريكو، دومينيكان رەسپۋبليكاسى، گايتي جانە كۋبا مەملەكەتتەرىنىڭ ۇستىمەن وتەدى. وسىعان بايلانىستى اقش پرەزيدەنتى دونالد ترامپ فلوريدا شتاتىندا جانە پۋەرتو-ريكو مەن ۆيرگين ارالدارىنا داۋىلدىڭ جاقىنداۋىنا بايلانىستى توتەنشە جاعداي جاريالادى.

دۇلەي جەل ەڭ جوعارعى كورسەتكىشتەن، ياعني بەس بالدان دا اسىپ تۇسكەن. مامانداردىڭ ايتۋىنشا، ول اتلانتيكاداعى سوڭعى ونجىلدىقتا سوققان ەڭ سۇراپىل داۋىل بولماق. ءتىپتى تەحاستى تاس-تالقان قىلعان «حارۆيدان» دا قارقىنى قاتتى دەسەدى.