2017 جىلدىڭ 6-7 قىركۇيەگىندە استانادا العاش رەت باسقارۋ بويىنشا كەڭەسشىلەردىڭ V حالىقارالىق كونفەرەنسياسى وتۋدە. بۇل باسقارۋ كونسالتينگى سالاسىنداعى اسا ءىرى عالامدىق وقيعا. كونفەرەنسيا تاقىرىبى «زياتكەرلىك كوپىرلەر: ءبىلىم، تاجىريبە، تەحنولوگيالار: تابىستاۋ، بەيىمدەلۋ جانە ەندىرۋ».
سمس حالىقارالىق كونفەرەنسياسى – بۇكىل الەمنىڭ كەڭەسشىلەرىن كاسىپتىڭ دامۋ مۇمكىندىكتەرى مەن سالانىڭ ماسەلەلەرىن تالقىعا سالۋعا ارنالعان جالعىز الاڭ. استاناداعى كونفەرەنسيانىڭ بىرەگەيلىگى سول – جەرگىلىكتى كومپانيالار كونسالتينگ سالاسىنداعى بۇگىنگى ترەندتەر جايلى اقپاراتتى بۇكىل الەمگە تانىمال سپيكەرلەردەن الىپ، وزات تاجىريبە، توپتىق اقىل-پاراسات سينەرگياسى مەن بىرەگەي شەشىمدەردىڭ سينتەزىنىڭ كۋاسى، ءارى قاتىسۋشىسى بولا الادى.
جىل سايىن CMC Global (مەنەدجمەنت بويىنشا كەڭەسشىلەر ۇيىمدارىنىڭ حالىقارالىق كەڭەسى) ۇيىمى الەمنىڭ ءتۇرلى ەلدەرىندە حالىقارالىق كونفەرەنسيالار وتكىزىپ وتىرادى. 2017 جىلى كونفەرەنسيانى قابىلداۋدىڭ جوعارى مارتەبەسى مەنەدجمەنت بويىنشا كەڭەسشىلەردىڭ قازاقستاندىق پالاتاسى - CMC Kazakhstan-عا بۇيىردى. سمس كونفەرەنسيالارىندا الەمنىڭ 50-دەن اسا ەلدەرىنىڭ جەتەكشى كەڭەسشىلەرى كەزدەسەدى. بيىلعى قاتىسۋشىلاردىڭ جالپى سانى 31 ەلدەن كەلگەن 200-دەن اسا ادامدى قۇرايدى.
استاناداعى بيىلعى كونفەرەنسيا سپيكەرلەرى قازاقستانعا ازيا-تىنىق مۇحيتتىق ايماقتان، ەۋروپادان جانە امەريكا كونتينەنتىنەن كەلدى.
قازاقستاندىق ورتا ءۇشىن حالىقارالىق كونفەرەنسيانى وتكىزۋدىڭ ماڭىزىن CMC Kazakhstan باسقارما ءتورايىمى گۇلسىم احتامبەردييەۆا اتاپ ءوتتى: «ءبىز، قازاقستان كەڭسەشىلەرى، وسى كونفەرەنسيانى وتكىزە وتىرىپ، ۇكىمەت پەن بيزنەسكە ءوز قۇزىرەتتەرىمىزدى العا تارتىپ، ءبىزدى الەمدىك دەڭگەيدە مويىندايتىنىن كورسەتكىمىز كەلەدى. قازاقستان كەڭەسشىلەرى ەل ەكونوميكاسىنا يننوۆاسيالار كىرىكتىرىپ، جاڭا تەحنولوگيالار مەن شەشىمدەر ەندىرگىسى كەلەدى، ءارى وعان شاماسى دا ابدەن جەتەدى. ءبىزدىڭ ماماندار ءىرى كومپانيالارعا اقىل-كەڭەس بەرەدى، قازاقستاننىڭ شاعىن جانە ورتا بيزنەسىنە كومەك كورسەتەدى. قازاقستانداعى شوب ۇلەسى، ءبارىمىز بىلەتىندەي، ەلدىڭ ءجىو 25% قۇرايدى، ال اقش-تا بۇل كورسەتكىش 62% جانە جاپون ەلىندە 63%».
كونفەرەنسيا تاقىرىپتارى:
- قىزمەتتەردى «زياتكەرلىك كوپىرلەر» قۇرۋ ارقىلى، تاجىريبە مەن زياتتى، ءبىلىم مەن تەحنولوگيالاردى، يننوۆاسيالار مەن قۇزىرەتتەردى بىرىكتىرۋ جولىمەن كورسەتۋ؛
- بىلىمدەردى جاڭا ورتادا قولدانۋ جانە جاڭا جاعدايلارعا بەيىمدەلۋ؛
- كونسالتينگ قىزمەتتەرىندەگى مۇقتاجدىقتاردى باعالاۋ جانە كەڭەسشىنى تاڭداۋدا كومەك كورسەتۋ؛
- كەڭەسشىلەر قۇزىرەتتەرىن ارتتىرۋ جانە ISO:20700 حالىقارالىق ستاندارتى.
ءىس-شارا ارىپتەستەرىنىڭ ءبىرى ەۋروپالىق قايتا قۇرۋ جانە دامۋ بانكى قاتىسۋشىلارعا كونسالتينگ سالاسىنداعى الەمدىك جۇلدىزدار: مۇستافا يچيل (تۋرسيا) جانە ەندريۋ رودجەرسوننان (ۇلىبريتانيا) شەبەرلىك ساباقتارىن الۋ مۇمكىندىگىن ۇسىندى. مۇستافا يچيل، ءوزىنىڭ Microsoft، Google جانە Apple-دەگى تاجىريبەسىنە ارقا سۇيەي وتىرىپ، بيزنەس-تالدامانى، ەپتىلىكتى جانە كليەنتتەرمەن قارىم-قاتىناستى جاقسارتۋ جولدارىمەن بولىسەدى. ەندريۋ رودجەرسون زياتكەرلىك كوشباسشىلىق ونەرى تۋراسىندا اڭگىمە قوزعايدى. PwC سەكىلدى جەتەكشى كەڭسەشىلىك كومپانيالاردىڭ ۇلگىلەرىن جەرگىلىكتى نارىققا بەيىمدەي وتىرىپ، ول شاعىن بيزنەس ءۇشىن لايىقتى شەشىمدەردى ۇسىنادى: كوبىرەك كليەنت تارتۋ جانە جۇمىستى جاقسىراق جوسپارلاۋ جانە اتقارۋدا جاڭا تەحنولوگيالاردى پايدالانۋ جولدارى.
وعان قوسا، كونفەرەنسيا اياسىندا 6 دوڭگەلەك ۇستەل وتكىزىلەتىن بولادى، وندا CMC Kazakhstan بازاسىندا تمد/ورتالىق ازيا جانە موڭعوليا ايماقتىق حابىن قۇرۋ ماسەلەلەرى؛ بيزنەس مەكتەپتەرمەن ىنتىماقتاسۋدىڭ جاڭا باعىتتارى – CMC-Global Academic Fellows جوباسى ارقىلى باسقارۋ كونسالتينگىنە وقىتۋعا ارنالعان فاكۋلتەتتەر/كافەدرالار اشۋ ماسەلەسى ورتاعا سالىنادى. كونفەرەنسيا قاتىسۋشىلارىنا «Constantinus Award» - باسقارۋ كونسالتينگى ساراپشىسى يۋتاكا فۋكۋيامادان كايزەن بويىنشا شەبەرلىك ساباعىن الۋ مۇمكىندىگى ۇسىنىلادى. سونىمەن قاتار، جىبەك ەكونوميكالىق بەلبەۋ سەكسياسى مەن جاسىل ەكونوميكا بويىنشا دوڭگەلەك ۇستەل وتكىزىلەدى.
CMC Global – بۇل ايماقتىق، سالالىق، كورپوراتيۆتىك تيىستىلىگىنەن تاۋەلسىز، بۇكىل الەمنىڭ باسقارۋشىلىق كەڭەسشىلەر قاۋىمداستىقتارىن بىرىكتىرەتىن بۇۇ ۇيىمى CMC Kazakhstan 2014 جىلدان باستاپ CMC Global-دىڭ ناقتى مۇشەسى بولىپ تابىلادى. CMC Kazakhstan – بۇل قوعامدىق بىرلەستىك، ونىڭ العا قويعان مىندەتى: «سمس سەرتيفيكاتتاۋ ارقىلى مەنەدجمەنت بويىنشا كەڭەسشى – كاسىبى مارتەبەسىن ارتتىرۋ، باسقارۋ كونسالتينگىنلە كاسىپقويلىق پەن ەتيكانىڭ حالىقارالىق ستاندارتتارىن ەنگىزۋ». قازاقستان كەڭەسشىلەرى، CMC Kazakhstan مۇشەلەرى حالىقارالىق كەڭەسشىلەرمەن ءبىر قاتاردا تۇرادى، ءارى ولارمەن قۇزىرەتتەرى تەڭ جانە ولارمەن بىردەي بۇكىل الەمدە تانىلىپ، موينىدالاتىن CMC® – Certified Management Consultant حالىقارالىق سەرتيفيكاتىنا يە.
