ۆولونتەرلەرلەر فورۋمىندا ەكسپو – 2017 كورمەسىنىڭ ۇزدىك ەرىكتىلەرىنە قۇرمەت كورسەتىلدى. كورمەنىڭ 100-دەن استام بەلسەندى ۆولونتەرلەرىن كەلەسى ساناتتار بويىنشا ماراپاتتادى: (ۇپايلار جۇيەسى بويىنشا) ۇزدىك بەستىك، «التىن ۆولونتەرلەر»، تيم-ليدەرلەر، ۇزدىك بەلسەندىلەر. اليا داۋرەنبەكوۆا، «التىن ۆولونتەر» - باتيما قۇساينوۆا، شەت ەلدىك يتالياندىق ۆولونتەر - ماتيا دەماركي، دياس تالعات ۇلى ۇزدىك بەستىك قاتارىندا. «استانا ەكسپو-2017» ۇق» اق باسقارما ءتوراعاسى احمەتجان ەسىموۆ جانە ق ر ءبىلىم جانە عىلىم ءمينيسترى ەرلان ساعادييەۆ اتالعان ەرىكتىلەرگە سەرتيفيكاتتار جانە ەستەلىك سىيلىقتاردى تاپسىردى. ءوز سوزىندە احمەتجان ەسىموۆ ۆولونتەرلەر ءوز مىندەتتەرىن جوعارعى دەڭگەيدە ورىنداعانىن اتاپ ءوتتى، دەپ حابارلايدى Qamshy.kz اقاپارت اگەنتتىگى ەكسپو-2017 كورمەسىنىڭ مەديا-ورتالىعىنا سىلتەمە جاساي وتىرىپ.

«ۆولونتەرلىك قىزمەت  كورمەنىڭ تابىستى ءوتۋىنىڭ ماڭىزدى فاكتورى جانە كورمە جۇمىسىنىڭ جەكە فۋنكسيونالدى باعىتى بولىپ تابىلادى. ەكسپو-2017 كورمەسى اياسىندا بارلىعى 8،5 ادام ىرىكتەلىپ، ارنايى وقىتىلدى. ولاردىڭ 5،5 مىڭ قىزمەتكەرلەرى كورمە اۋماعىندا جۇمىس ىستەۋگە مۇمكىندىك الدى. استانا قالاسىنان 2500 استام ۆولونتەرلەر، الماتى قالاسىنان 900، ەل وڭىرلەرىنەن 1600 ەرىكتىلەر جۇمىلدىرىلدى. سونداي-اق رەسەي، جۇڭگو، اقش، بەلگيا، يتاليا، پولشا، موڭعوليا، قىرعىزستان جانە وزگە مەملەكەتتەردىڭ ۆولونتەرلەرى ءوز ۇلەسىن قوستى. ەرىكتىلەردىڭ ورتاشا جاسى -  19 جاس، ەڭ ۇلكەنى- 70 جاستا. بۇل «التىن ۆولونتەرلەر» دەپ اتالاتىن 30 ەرىكتىلەر. 60 ۆولونتەر كورمەنىڭ باستالۋ ۋاقىتىنان باستاپ جۇمىس ىستەۋدە جانە 4 كۇننەن كەيىن كورمەنىڭ جابىلۋ سالتاناتىنا قاتىسادى. كورمەنىڭ جۇمىسى بارىسىندا  3 وتباسىلىق جۇپ قۇرىلدى»، - دەپ مالىمدەدى احمەتجان ەسىموۆ.

ماراپاتتاۋ ءراسىمى الي وكاپوۆ، الماز كىشكەنبايەۆ سياقتى ەسترادا جۇلدىزدارى مەن ۆولونتەرلەر قاتىسقان كونسەرتتىك باعدارلامامەن جالعاستى.

كورمەنىڭ 3 اي جۇمىسى بارىسىندا قازاقستاننىڭ 16 وبىلىسى جانە الەمنىڭ 35 ەلىنەن كەلگەن ۆولونتەرلەر 16 باعىت بويىنشا كۇنىنە 8 ساعات بويى 3 ماۋسىممەن ءوز مىندەتتەرىن ورىنداعانىن ەسكە سالامىز.