4 قىركۇيەك كۇنى وتكەن بۇۇ قاۋىپسىزدىك كەڭەسىنىڭ شۇعىل وتىرىسىندا قازاقستان كورەي حالىقتىق دەموكراتيالىق رەسپۋبليكاسىنىڭ يادرولىق سىناقتارىنا قارسى پىكىر ءبىلدىردى، دەپ حابارلايدى Qamshy.kz اقپارات اگەنتتىگى ق ر ءسىم-ىنىڭ ءباپاسوز قىزمەتىنە سىلتەمە جاساپ.

«حالىقارالىق قوعامداستىق ءححى عاسىردا التىنشى مارتە جاسالعان يادرولىق سىناقتىڭ كۋاسى بولۋىنىڭ ءوزى - ادام سەنگىسىز جاعداي. مۇنداي ارەكەتتەر حالىقارالىق قوعامداستىقتىڭ يادرولىق قارۋدان ازات الەم قۇرۋ ءۇشىن جۇمساعان ۇجىمدىق كۇشىن ايتارلىقتاي تومەندەتەدى»، - دەدى بۇۇ جانىنداعى قازاقستاننىڭ تۇراقتى وكىلى قايرات وماروۆ بۇۇ قك-ىنىڭ وتىرىسىندا.

قازاقستان دەلەگاسياسى سولتۇستىككورەيلىك بيلىكتى يادرولىق سىناقتان باس تارتىپ، كەلىسسوزدەر ۇستەلىنە ورالۋعا شاقىردى. «يادرولىق قارۋ ۇلتتىق قاۋىپسىزدىكتىڭ ناعىز كەپىلى بولا المايدى»، دەلىنگەن مالىمدەمەدە.

قازاقستان ماسەلەنى باتىل ساياسي-ديپلوماتيالىق قادامدار ارقىلى جان-جاقتى ءارى ۇجىمدىق تۇردە شەشۋ جولدارىن ىزدەستىرۋدى قولدايدى.

قازاقستان تاراپىنىڭ پىكىرىنشە، اسكەري ءتاسىل ەشقاشان ماسەلەنىڭ تۇراقتى ءارى ۇزاق مەرزىمدى شەشىمىنە اكەلىپ كورمەگەن. تۇراقتى وكىل سونداي-اق، بۇۇ-عا مۇشە باسقا ەلدەر قاتارىندا كحدر-دىڭ دا باس اسسامبلەيانىڭ حالىقارالىق يادرولىق سىناقتارعا قارسى ءىس-قيمىل كۇنىن قولداۋ جونىندەگى قارارىنا داۋىس بەرگەندىگىن ەسكە سالا كەتتى.