ەو بيلىگى سولتۇستىك كورەياعا قارسى جەكە شەكتەۋ شارالارىن دايىنداۋ ۇستىندە، دەپ جازادى Qamshy.kz اقپارات اگەنتتىگى. بۇل تۋرالى ەو سىرتقى ىستەر جانە قاۋىپسىزدىك ساياساتى جونىندەگى جوعارى وكىلى فەدەريكا موگەريني ءمالىم ەتتى.

«بۇگىن مەن ەو-نىڭ جەكە سانكسيالىرىن كۇشەيتۋ اياسىندا مينيسترلەردىڭ جۇمىس ىستەۋىن سۇرايمىن»، - دەپ كەلتىردى AFP اگەنتتىگى موگەرينيدىڭ ءسوزىن.

3 قىركۇيەكتە پحەنيان جاڭا سۋتەگى بومباسىن سىناقتان ءساتتى وتكىزگەنىن حابارلاعان. بومبا كونتينەنتارالىق بالليستيكالىق زىمىرانعا ارنالعان وقتىق رەتىندە پايدالانىلۋى مۇمكىن. كحدر-دىڭ كەزەكتى سىناعى حالىقارالىق قاۋىمداستىقتىڭ الاڭداۋشىلىعىن تۋدىردى. سول كۇنى-اق ۇلىبريتانيا، اقش، فرانسيا، وڭتۇستىك كورەيا جانە جاپونيا ەلدەرى بۇۇ قاۋىپسىزدىك كەڭەسىنىڭ شۇعىل وتىرىسىن وتكىزۋدى سۇرادى.

اقش كحدر-عا قارسى سانكسيالىق رەجيمدى كۇشەيتۋدى، بۇۇ-نىڭ ءتيىستى شەشىم قابىلداۋىن تالاپ ەتتى.

رەسەي ءوز كەزەگىندە سانكسيالار رەجيمىن قاتايتۋ سولتۇستىك كورەيا باسشىلىعىنىڭ اعىمدىق باعىتىنا ەش اسەرىن تيگىزبەيتىنىن مالىمدەگەن.