اقش-قا «يرما» داۋىلىنىڭ جاقىنداپ كەلە جاتقانى حابارلانعان بولاتىن. بۇۇ  اتالمىش داۋىلعا قاتىستى پىكىر ءبىلدىردى. بۇۇ-نىڭ باعالاۋى بويىنشا، «يرما» داۋىلىنان 37 ميلليون ادام زارداپ شەگۋى مۇمكىن. بۇل تۋرالى بۇۇ باسپا ءسوز حاتشىسى ستەفان ديۋجارريك مالىمدەدى دەپ جازادى Qamshy.kz اقپارات اگەنتتىگى.  

بۇۇ باربادوس ارالىندا توتەنشە جاعدايعا دايىندىقتىن جاسالىپ جاتقانىن مالىمدەدى.

دۇلەي جەل ەڭ جوعارعى كورسەتكىشتەن، ياعني بەس بالدان دا اسىپ تۇسكەن. مامانداردىڭ ايتۋىنشا، ول اتلانتيكاداعى سوڭعى ونجىلدىقتا سوققان ەڭ سۇراپىل داۋىل بولادى.

كاريب ايماعىن جەر مەن جەكسەن ەتكەن داۋىل باسقا دا جەرلەردى جويۋدا. باربۋدا ارالى مەن فرانسيا بولىگىندەگى سەن-مارتەن ارالىنىڭ ءبىراز بولىگىن سۋ شايىپ كەتكەن.  باربۋدا ارالىنداعى مۇلىكتىڭ 95 پايىزىنا زاقىم كەلگەن، ونىڭ 30 پايىزى بۇتىندەي جويىلىپ كەتكەن. سوڭعى مالىمەتتەر بويىنشا، الاپات داۋىلدان قازا بولعاندار سانى 7 ادامدى قۇراپ وتىر. بۇگىنگى تاڭدا داۋىلدىڭ سالدارىنان اۋىز سۋ توقتالتىلىپ، ەلەكتر توعى اجىراتىلعان.

مەتەورولگتاردىڭ ايتۋىنشا، 7 قىركۇيەك كۇنى «يرما» داۋىلى دومينيكان رەسپۋبليكاسى، گايتي جانە كۋبانىڭ ۇستىنەن ءوتىپ، اقش-تىڭ فلوريدا شتاتىنا جەتەدى.  كۋبانىڭ 7 اۋدانىندا توتەنشە جاعداي جاريالانىپ ۇلگەرگەن.  ال ماياميدە ادامدار دۇكەندەردەن قاجەتتى زاتتارىن ساتىپ الىپ، توتەنشە جاعدايعا دايىندالىپ جاتىر.

ايتا كەتسەك، اتلانتيكادا «يرما» داۋىلىنان بولەك تاعى 2 داۋىل ءوز كۇشىنە ەنىپ جاتىر. ولار: حوسە مەن كاتيا داۋىلدارى.