Facebook باسشىلارى، ەكى جىلعا جۋىق ۋاقىتتا بولجالدى تۇردە رەسەيمەن بايلانىسى بار دەگەن جالعان پاراقشالار ساياسي جارنامالاردى 100 مىڭ دوللارعا ساتىپ الىپ وتىرعانىن ايتتى دەپ حابارلايدى Qamshy.kz اقپارات اگەنتتىگى BBC-گە سىلتەمە جاساپ. Facebook ءوزىنىڭ بولجامدارىمەن رەسەيدىڭ پرەزيدەنتتىك سايلاۋعا قاتىسى بار، جوعىن تەكسەرىپ جۇرگەن اقش بيلىگىمەن ءبولىستى.

اقش-تىڭ ارنايى قىزمەتى اعىمداعى جىلدىڭ قاڭتار ايىندا رەسەيدى ترامپقا پرەزيدەنتتىك سايلاۋدا جەڭىسكە جەتۋىنە كومەكتەستى دەپ ايىپتاعان. ونىڭ ىشىندە الەۋمەتتىك جەلىلەردە قوعامدىق پىكىرگە اسەر ەتۋ ءۇشىن جالعان اقپارات تاراتۋ ارقىلى اسەر ەتكەنى تۋرالى دا ايتتى.

الەۋمەتتىك جەلى قاۋىپسىزدىگى قىزمەتىنىڭ باسشىسى الەكس تەيموس جارنامالىق الاڭداردى ساتىپ الۋعا قاتىستى تەكسەرۋ ناتيجەسىندە، 2015 جىلدىڭ مامىر ايى مەن 2017 جىلعا دەيىن 100 مىڭ دوللاردى 470 جالعان پاراقشالار مەن اككاۋنت ارقىلى 3 مىڭ حابارلاندىرۋعا جۇمساعانى انىقتالدى.

«كەيبىر اككاۋنتتار سانكت-پەتەربۋرگتەگى تروللدەر فابيريكاسىمەن تىكەلەي بايلانىستى. ولار وزدەرىن ينتەرنەتتى زەرتتەۋ اگەنتتىك دەپ اتايدى. الايدا بىزدە ونى ايعاقتايتىن مۇمكىندىك جوق» دەدى Facebook باسشىلارىنىڭ ءبىرى.

فەيك اككاۋنتتار الەۋمەتتىك جەلى زاڭىن بۇزعاندىقتان بارلىق جازبالارى بۇعاتتالدى. Facebook جارنامانىڭ مازمۇنى مەن ول تۋرالى اقپارتاتتى ايتۋدان باس تارتتى.